“Qorasaroy” kompaniyasi – O’zbekistondagi yetakchi korxonalardan biri bo’lib, yuqori sifatli lak-bo’yoq mahsulotlarini ishlab chiqarish bilan shug’ullanadi. Ushbu kompaniya o’z faoliyatini 2000chi yilda tayyor shpaklyovkani ishlab chiqarish bilan boshlagan. “Qorasaroy” firmasi qurilish mollari bozoriga kirib kelar ekan, talab va ehtiyojlarni hisobga olib, quruq shpaklyovka hamda bo’yoqlarni ham ishlab chiqarishni boshlagan. Yillar davomida korxona asta-sekin kengayib borib, suvda eruvchan va moyli bo’yoqlarni ishlab chiqarishni ham yo’lga qo’ydi. Bugungi kunga kelib esa zamonaviy va dunyo standartiga javob bera oladigan lak-bo’yoq mahsulotlarining turli xilini ishlab chiqarmoqda. “Qorasaroy” korxonasi 17 yillik ish tajribasiga ega bo’lib, qurilish bozorida yetakchi o’rinlardan birini egallab kelmoqda. Uning mahsulotlari sifatli, arzon va raqobatbardoshdir. Mahsulotlar eng so’nggi texnologiyalar yordamida zamovaviy xom ashyodan hamda malakali mutaxassislar tomonidan ishlab chiqarilishi, uning yuqori sifatga ega bo’lishini ta’minlaydi. “Qorasaroy” lak-bo’yoq korxonasi ishlab chiqargan mahsulotlarni o’zlariga qarashli bo’lgan do’konlar orqali xaridorlaga yetkazadi. Ularning doimiy mijozlari yirik qurilish tashkilotlari va alohida shaxslardir. Korxona shuningdek, ichki bozorda ishonchli hamkorlarga ega va ko’p yillardan beri ular bilan birgalikda faoliyat yuritib kelmoqda. “Qorasaroy” lak-bo’yoq korxonasining mahsulotlari – turli xildagi shpatlyovka, emal va bo’yoqlardan iboratdir. Ulardan ta’mirlash ishlarida hamda binolarning ichki va tashqi qismlarini pardozlashda foydalaniladi.