ARGINFORT

ARGINFORT

Foydalanish uchun qoʻllanma

Tarkibi. Har bir sashe paket quyidagilarni oʻz ichiga oladi:

L-Arginin - 1500 mg

A vitamini - 10 000 XB

Folat kislotasi - 2000 mkg

E vitamini - 30 mg

С vitamini - 100 mg

Vitamin B12 - 40 mkg

Rux  - 15 mg

Selen  - 30 mkg

Yod - 200 mkg

Dekstroza - 1 g. gacha

Maltodekstrin – q.s.

Aromatizator– q.s.

Tavsifi

Arginfort – ayol organizmini homiladorlikka tayyorlash shuningdek homiladorlik davrida turli patalogik holatlarni oldini olish va homilaning rivojlanishini yaxshilash uchun qoʻllanuvchi BFQ. Homiladorlik davrida shifokor koʻrsatmasiga binoan, shifokor nazorati ostida qoʻllash tavsiya etiladi.

Arginfortning afzalliklari

• ayol bepushtligining idiopatik shaklida homilador boʻlish ehtimolini oshiradi;

• endometriy qalinligini optimal darajada normallashtiradi;

• ayol jinsiy tizimining reproduktiv holatini yaxshilaydi;

• homilador boʻlish ehtimolligini oshiradi;

• EKU natijalarini yaxshilaydi;

• homiladorlikda homilaning nuqsonli rivojlanishini oldini oladi;

• homiladorlik davrida toksikoz belgilarining yengil oʻtishini ta’minlaydi;

Alohida ingredientlar haqida ma’lumot:

Arginfort mahsulotining tarkibi vitaminlar, minerallar, aminokislota L-arginin va folat kislotasini oʻz ichiga oladi. Ushbu moddalar hayz davrini va umumiy reproduktiv tizimni normallashtirishga yordam beradi.

L-Arginin aminokislota boʻlib, undan azot oksidi hosil boʻladi, bu vazodilatatsiyaga yordam beradi va natijada qon aylanishini va toʻqimalarning shu jumladan tos a’zolarining kislorod bilan toʻyinganligini yaxshilaydi. Bu esa endometriy qalinligini oshirishga yordam beradi (agar bu qatlam yupqa boʻlsa, urugʻlantirish sodir boʻlgan boʻlsa ham, embrion unga birika olmaydi). L-argininning bu xususiyati abortlar, bola tushishi, ovarioektomiya (tuxumdonni olib tashlash) boshdan kechirgan ayollar uchun ayniqsa muhimdir.

Jinsiy hujayralar uchun zararli boʻlgan erkin radikallarga qarshi faol kurashadi. L-arginin - kuchli antioksidant boʻlib, reproduktiv tizim organlarida yalligʻlanishni kamaytiradi va tuxum hujayrani erkin radikallarning shikastlanishidan himoya qiladi.

Gipofiz bezining faoliyatida ishtiroki sababli gormonal fonni barqarorlashtirishga yordam beradi.

L-Arginin butun organizm uchun yana bir muhim funksiyaga ega: uning ta’sirida qarish jarayoni sekinlashadi, toʻqimalarning yangilanishi yaxshilanadi.

L-Arginin qon aylanishini yaxshilaydi, qon tomirlarining tarangligini tiklaydi, tos boʻshligʻida qonning turgʻunligini kamaytirishga yordam beradi. Qon oqimining faollashishi genital organlarning oziqlanishini yaxshilanishiga olib keladi. Ular yaxshiroq ishlaydi, bu esa tuxum hujayraning urugʻlanish ehtimolini oshiradi.

A vitamini - hujayralarning oʻsishi va differentsiatsiyasi omili. Homilada oʻpka toʻqimalarining rivojlanishiga yordam beradi, homila alveolalarining sirt faol oqsillari funktsiyasini tartibga soladi. Baryerli (mahalliy) immunitetni shakllantirishda ishtirok etadi, virusli infektsiyalarning rivojlanishiga toʻsqinlik qiladi. Platsentaning rivojlanishiga, oʻsishiga, embrion toʻqimalarining normal rivojlanishiga va differentsiatsiyasiga yordam beradi. Normal yorugʻlik va rangni koʻrish uchun zarur boʻlgan vizual pigmentlarni shakllantirishda ishtirok etadi; epiteliy toʻqimalarining yaxlitligini saqlaydi.

Folat kislota - hujayra boʻlinishi va oʻsishi uchun zarurdir, shuning uchun tananing jadal rivojlanishi davrida (homila ichi rivojlanishining dastlabki bosqichida) koʻproq miqdorda talab qilinadi. Folat kislota bachadonda platsenta va yangi qon tomirlarining shakllanishida ham muhim rol oʻynaydi. Homiladorlikdan oldin va homiladorlik paytida folat kislotasini qabul qilish homiladorlikning muddatidan oldin tugashi, qon ketishi, asab naychalari nuqsonlari va yangi tugʻilgan chaqaloqlarda yuz-jagʻ nuqsonlari xavfini kamaytiradi.

E vitamini toʻqimalarning kislorod bilan ta’minlanishini yaxshilaydi, oqsillar, yogʻlar va uglevodlar almashinuvi uchun zarurdir. E vitamini antioksidant funktsiyasi sababli hujayralarni erkin radikallarning zararli ta’siridan ayol organizmini himoya qiladi. E vitamini yetishmaganda ayol doimiy ravishda mushaklar kuchsizligini, ogʻriqni his qiladi va majburiy abort xavfi ortadi.

E vitamini homiladorlikning normal kechishini qoʻllab-quvvatlaydi. E vitamini boshqa vitaminlarning parchalanishiga toʻsqinlik qiluvchi antioksidantir. Qizil qon hujayralarining barqarorligini saqlaydi, gemolizni oldini oladi, jinsiy bezlar, asab va mushak toʻqimalarining funktsiyalariga ijobiy ta’sir koʻrsatadi.

C vitamini- kollagen (qon tomirlari va suyak toʻqimalari devorlarining asosiy bogʻlovchi elementi) sintezini ta’minlaydi, xolesterin almashinuvida, uglevod almashinuvi jarayonlarida va koʻplab muhim biokimyoviy reaktsiyalarda ishtirok etadi. C vitamini kapillyarlarni mustahkamlaydi, organizmning infektsiyalarga chidamliligini oshiradi va yalligʻlanishga qarshi xususiyatlarga ega. C vitamini yetishmovchiligi homila pardasining erta yorilishiga olib kelishi mumkin.

Rux- homiladorlik davrida eng muhim elementlardan biridir. Bu genetik aparatning normal ishlashi uchun muhim boʻlib, u hujayra yadrosining shakllanishi va rivojlanishi, shuningdek hujayralarning oʻsishi va boʻlinishi uchun zarurdir. Rux nuklein kislotalar, oqsillar, yogʻlar va uglevodlar sintezini tartibga solishda ishtirok etadi. Ruxni qabul qilish platsentaning erta koʻchishini, tugʻiriq asoratlarini, bolaning tugʻma nuqsonlarini oldini olishga yordam beradi, homila ichi rivojlanishidagi anomaliyalar va boshqa nuqsonlar ehtimolini kamaytiradi. A vitamini bilan birgalikda u koʻrish qobiliyati va rangli koʻrishning shakllanishiga yordam beradi.

Selen fertillikni (homilador boʻlish qobiliyati) oshiruvchi va boshqa koʻplab fermentlar tarkibiga kiradi. Selen yetishmovchiligi gormonal muvozanatning buzilishiga, ogʻir metallarning toksik ta’sirining kuchayishiga olib kelishi mumkin. Bundan tashqari, selen hujayra membranalarining antioksidant himoyasini ta’minlaydi, E vitamini ta’sirini kuchaytiradi. Selen immun tizimining normal ishlashi uchun zarurdir.

Yod gipofiz bezi va jinsiy gormonlar bilan faol oʻzaro ta’sir qiluvchi eng muhim gormon tiroksinning bir qismidir. Ayol tanasida yod yetishmasligi fertillikning pasayishiga va ruhiy tushkunlikka olib keladi. Homiladorlik davrida ushbu mikroelementning yetishmasligi homilaning tugʻma nuqsonlariga sabab boʻlishi mumkin.

Arginfort suyuqlikka aralashtirib ichish uchun kukun shaklida ishlab chiqariladi. Qoʻllashning suyuq shakli tabletkalar va kapsulalarga nisbatan preparat tarkibiy qismlarining yuqori biosamaradorliligini ta’minlaydi.

Qoʻllanilishi

Arginfort - L-Arginin, C, E, B12, B9 vitaminlari, makro va mikroelementlarning (selen, rux, yod) qoʻshimcha manbai sifatida – ayol organizmini homiladorlikka tayyorlashda, shuningdek, ayollarning reproduktiv tizimi kasalliklarini kompleks davolashda tavsiya etiladi. Arginfort doimiy stress va toliqishdan aziyat chekayotgan, oral kontraseptivlarni qabul qilgandan keyin hamda fertilligi pasaygan ayollar uchun tavsiya etiladi.

Arginfort - homiladorlikning fiziologik kechishi shuningdek homila va onaning homiladorlik davrida yuzaga kelishi mumkin boʻlgan asoratlardan himoya qilish uchun qoʻllash mumkin.

Qabul qilish tartibi va davomiyligi

Ichga, ertalab ovqatdan soʻng, 1 paketdagi kukunni 50-100 ml suyuqlikga eritib kuniga 1 marta qabul qilinadi.

Qabul qilish davomiyligi 1-3 oy. Shifokor tavsiyasiga koʻra, qabul qilish kursi homiladorlikgacha uzaytirilishi va zarur hollarda homiladorlik davrida ham tavsiya etilishi mumkin.

Qoʻllash mumkin boʻlmagan holatlar

Mahsulot tarkibiy qismlariga boʻlgan individual qabul qila olmaslik.

Retseptsiz beriladi. Mahsulot sertifikatlangan.

Saqlash sharoitlari

Bolalar qoʻli yetmaydigan joyda, xona haroratida quruq joyda saqlanishi kerak.

Yaroqlilik muddati - 24 oy.

Ishlab chiqaruvchi: “VITALLY” XK, Toshkent viloyati, Yuqorichirchiq tumani, Sofdil, №45 tel.: +998909539005