Carwon Mobile M1

Carwon Mobile M1

Carwon Mobile bilan avtomobilingiz yanada qulay va xavfsiz bo'ladi!

Mahsulot haqida:
Bu qurilma avtomobilga o‘rnatilgan signalizatsiya masofadan boshqaruv pultining imkoniyatlarini mobil ilova orqali (4G hamda bluetooth orqali) to‘liq amalga oshirish imkonini beradi va ko‘plab afzalliklarga ega!

Qaysi avtomobil modellariga o‘rnatish mumkin:
Agar avtomobilga Magicar signalizatsiyasi o‘rnatilgan bo‘lsa (Vetnam (kulrang blok bilan), Xitoy (qora blok bilan), 905 va undan yuqori modellar (906, 907, 908, 909, 917, 927...) barcha avtomobillarga o‘rnatish mumkin.

Xususiyatlari:
Carwon Mobile ilovasi avtomobilingiz eshiklarining qulflangan yoki ochilgan holatini masofadan bilish va boshqarish, eshiklarni yopish yoki ochish, yukxonani ochish, dvigatelni ishga tushirish yoki o‘chirish, avtomobil ichki haroratini, dvigatel haroratini va akkumulyator kuchlanishini kuzatish imkonini beradi. Ulanish internet orqali, shuningdek, bluetooth orqali amalga oshiriladi. Internet orqali ulanishda masofa cheklanmagan. Ilova to‘liq signalizatsiya tizimini taqdim etadi, va kimdir avtomobilingizga tegsa yoki noto‘g‘ri to‘xtab tursa, ilova sizga signal va xabar orqali bildirish yuboradi.

Afzalliklari:

1. Ilovaga bir nechta avtomobilni biriktirish mumkin.
2. Agar avtomobilingizni yaqinlaringiz ham ishlatsa, ularni haydovchilar ro‘yxatiga telefon raqami (yoki elektron pochta manzili) orqali qo‘shishingiz yoki xuddi shu bo‘lim orqali ularni bu huquqdan mahrum qilishingiz mumkin.
   Qo‘shimcha haydovchilar boshqa qo‘shimcha haydovchilarni qo‘sha olmaydi va avtomobilni ilovadan o‘chirib tashlaganida ham asosiy haydovchi sifatida sizda avtomobil saqlanib qoladi.
   (Eslatma: agar tizimga kirish parolingizni yoki avtomobilni boshqarish huquqini boshqa haydovchiga berib qo‘ysangiz, yangi haydovchi qo‘shsangiz, ushbu holatlar uchun javobgarlik sizning zimmangizda bo‘ladi).
3. NFC-karta orqali ochish va yopish imkoniyati.
4. Yangilanish!
   Avtomobilga o‘rnatilgan qurilma va ilovani doimiy qulaylik va rivojlanishni ta’minlash maqsadida yangilash imkoniyati mavjud. Ilovani yangilash Play Market orqali amalga oshiriladi, avtomobil ichidagi qurilmani yangilash uchun esa ilovada "Yangilanishlar" bo‘limi mavjud!

Aloqa:
Agar sizda Play Market orqali fikr-mulohazalar, takliflar, so‘rovlar va savollar bo‘lsa, ilovaning profil bo‘limidagi “yordam” jamoasi orqali biz bilan bog‘lanishingiz yoki xabar yuborishingiz mumkin!

Ulanish masofasi: Internet orqali cheklanmagan.
Avtomobilga internet ta'minoti uchun avtomobil ichiga SIM-karta o‘rnatish talab qilinadi.

Carwon Mobile M1 — sizning hayotingizga biroz bo‘lsa ham qulaylik va yengillik olib kelishdan mamnunmiz!