Dispenserli salfetkalar ishlab chiqarish uskunasi

Dispenserli salfetkalar ajoyib kashfiyot bo’lib, barchamiz kafe, restoran va boshqa ovqatlanish shahobchalarida bu turdagi salfetkalarni ko’p ko’rganmiz va ulardan foydalanganmiz. Ular maxsus dispenserlarda buklangan holatda bo’ladi. Bu turdagi salfetkalarning odatiy to’rtburchak shakldagi salfetkalardan bir qancha afzalliklari mavjud. Ular maxsus dispenserlarga joylashtiriladi bu esa salfetkalarning toza saqlanishi va yuqori darajadagi gigiyenani ta’minlaydi. Ularning ustunlik tarafi bir urinishda ichidan salfetkani boshqa salfetkalarga tegmay bemalol olish mumkin. Shuningdek salfetkalarning dispenserda turishi va dispenserdan bittalab salfetka olinishi ortiq salfetkaning isrof bo’lishini oldini oladi va kafe, restoran egalari uchun ortiqcha harajatni qisqartiradi. Dispenserlarga esa har qanday reklamalarni ham joylashtirish mumkin.

• 380 Volt kuchlanishga ega bo’lgan elektr toki
• o’rtacha 20-25 kvadrat metr joy (faqat uskuna uchun, mahsulot va xomashyo uchun kattaroq joy talab etiladi)
• eng kamida 2 nafar ishchi kuchi

Dastlab xomashyo olinib, uskunaga o’rnatiladi va ishga tushiriladi. Shundan so’ng xomashyo vallar orasidan o’tadi va vallardagi naqsh xomashyoda aks etadi. Keyingi bosqichda salfetkalar vertikal va gorizontal tarzda bukiladi. Shundan so’ng salfetkalar bukilib L harfini eslatuvchi holatga keladi. Uskunaga ulangan havo tortish moslamasi salfetkalarining bukib berish vazifasini bajaradi.

HAVO TORTISH MOSLAMASI

Salfetkalar bukligandan so’ng kerakli o’lchamda kesiladi va avtomatik sanoq sistemasida sanaladi.

Oxirgi bosqichda avtomatik sanoq sistemasida sanalgandan so’ng dispenserli salfetkalar yarim avtomat qadoqlash uskunasida qadoqlanadi.