Har qanday mahsulotingizni xaridorga sifatli yetib borishini ta’minlash uchun asosan gofra qutilardan foydalaniladi. Ushbu biznes dunyo bo’ylab XXI asrda trend darajaga ko’tarildi desak yanglishmaymiz. Gofra qutilar mahsulot siftiga ta’sir etmagan holda, ularni deformatsiyalanishdan saqlashda ishlatiladi. Gofra qutilar ishlatilish sohasiga ko’ra 2,3,5 va 7 qavatli bo’lishi mumkin. Eng keng tarqalgan turlari bu 2 va 3 qavatli turlari hisoblanadi. Quyida sizga taklif etadigan ishlab chiqarish liniyamizni ko’pchilik tadbirkorlar sotib olish imkoniyatlari mavjud bo’lishi uchun uni yarim avtomat ko’rinishini tavsiya etishga qaror qildik. Uskuna yordamida siz bir tomoni silliq yuzali gofra qutilar ishlab chiqara olasiz. Uskuna kengligi 1400mm bo’lgan kraft rulon bilan ishlash uchun mo’njallangan. Ishlab chiqarishni yanada kengaytirmoqchi yoki katta hajmda ishlab chiqarishni tashkil etish istagida bo’lgan mijozlarimiz uchun to’liq avtomat ishlab chiqarish liniyalarini ham olib kelish imkoniyatimiz mavjud.

LINIYA UCHUN ZARURIY TA’MINOT

Bino: 150 m2 dan kam bo’lmagan ishlab chiqarish maydoni

Xomashyo: Kraft rulon kengligi 1400mm

Ishchi kuchi: 5 nafar

Kuchlanish: 3 fazali 380v 50 hz

Gaz ta’minoti: Kerak emas

Suv ta’minoti: Kerak emas

Kanalizatsiya: Kerak emas

KRAFT QOG’OZ RULONI UCHUN UZATISH USKUNASI

Ushbu uskuna bir vaqtda ikkita rulon bilan ishlashga mo’njallangan. Kraft qog’ozni gofrlash va kleylovchi qism uchun mahsulot yetkazib berish uchun ishlatiladi. Ishlash davomida rulonni o’zi yerdan ko’tarib olish imkoniyatiga ega. Bu esa og’ir rulonni ko’tarish zaruratini qoldirmaydi.

KRAFT RULONGA GOFRLANGAN IZ TUSHIRIB KLEYLASH USKUNASI

Uskunaning asosiy vazifasi kiruvchi rulonga maxsus iz tushirib ikkala qavatni o’zaro kley yordamida biriktirishdan iborat. Kley tez qurishi uchun uskunani par yordamida emas, elektr rolik yordamida quritish usulini tanladik. Bu sizga qo’shimcha xarajatlar va qo’shimcha uskunalarsiz yuqori sifatli mahsulot ishlab chiqarish imkonini beradi.

Siz o’zingiz qaysi o’lchamga ega gofra listlar xaridorgir ekanligini aniqlagandan so’ng ushbu suratda aks ettirilgan o’lchamlardan birini tanlab bizga buyurtma berishingiz mumkin. eslatib o’tamiz ushbu o’lcham sizning listingiz bukilgan qismga tushirilgan izlarning o’lchamlari va ularni o’zgartirish uchun qo’shimcha val buyurtma qilish zarur bo’ladi. Yaxshilab o’ylab ko’rib buyurtma berishni maslahat beramiz.

KOMPYUTERLI GOFRA LISTLARNI KESISH USKUNASI

Ushbu qism sizning buyurtmangizga ko’ra gofra rulondan kerakli o’lchamda kesib, gofra listlarga ajratib berish uchun ishlatiladi. Kesish o’lchami boshqaruvchi tomonidan kompyuterga kiritiladi va lazerli datchiklar yordamida harakatlanayotgan kraft rulon o’lchanadi hamda kesuvchi baraban yordamida kesiladi. Sizga kerakli bo’lgan vertikal va gorizontal kesuvchi pichoqlar avtomatik holatda ishlaganligi sababli sizdan yuqori tajriba talab etmaydi.

2 RANGLI FLEKS PRINTER KESUVCHI ROLIK BILAN BIRGA

Ushbu uskuna qog’oz qabul qilish funksiyasi takomillashgan bo’lib qog’ozni donalab printerga uzatish qismi mavjud. Gofra listlarga tasvir qolip tushirilgan barabanlar orqali tushiriladi. Uskunada yuqori texnalogik jarayon sodir bo’lib, qisqa fursatda qurish imkonin beradi. Agar sizning qutingiz yasalish uslubi faqatgina o’zaro tomonlarni biriktirish evaziga hosil bo’lsa ushbu printer sizga izlarni tushirib beradi. Shuningdek uskuna list chetlariga tutashgan kesiluvchi qismlarni kesib berush uchun ham ishlaladi. Bunday hollarda sizga boshqa texnika yordamga kelish zarurati qolmaydi. Ushbu printer 0-12mm qalinlikdagi gofra qutilar uchun mo’njallangan.

GOFRA QUTINI STEPLERLASH USKUNASI

Gofra qutilar ishlatilish sohasiga ko’ra yelim yoki stepler yordamida biriktiriladi. Bundan quti ichiga solinadigan mahsulot og’irligi va qutining hajmi muhim rol o’ynaydi. Uskuna tezkor steplerlashi bilan boshqa turlaridan ajralib turadi. Gofra qalinligiga ko’ra o’q uzunligi sozlanadi. Solinadigan yuk og’irligiga ko’ra steplerlar joylashish oraliq masofasi sozlanadi.

GOFRA QUTILARNI YELIMLASH USKUNASI

Stepler yordamida biriktirib bo’lmaydigan yoki yengilroq mahsulotlar uchun mo’njallangan qutilar yelimlanadi. Ba’zan yelimlangan qutilar ustidan stepler urilganligiga ham guvoh bo’lamiz va bu qutining sifati yuqori ekanligidan dalolat beradi. Yelimlash uskunasi avval qutining kengligi bo’ylab sozlanadi va yelim qutiga avtomatik tarzda quyiladi. Yelim tez qurishi uchun issiqlik bilan birga yelim yuboriladi.

QUTILAR UCHUN YARIM AVTOMATIK KESISH VA BUKISH UCHUN IZ TUSHIRISH USKUNASI

Ayrim qutilarni printer yordamida qirqish imkonsiz. Shu kabi nostandart qutilar uchun maxsus kesuvchi uskuna mavjud. Uskuna xalq orasida tigel press nomi bilan ataladi. Ushbu uskunani alohida ham ishlatib yaxshigina daromad topish mumkin. Chunki chot etilgan bir qavatli har xil shirinliklar uchun va bir martalik idishlar uchun aynan shu uskuna yordamida kesib olinadi. Uskunaning standart kattalikdagi xilini sizlarga taqdim etmoqdamiz. Bundan katta va kichk turlari ham mavjud. Uskuna har bir shakl uchun alohida qolip talab etadi. Qoliplarni qanday yasash va qayerdan buyurtma berish haqida bizning xodimlarimiz sizga ma’lumot berishadi. Uskunani avtomatik va pedal yordamida harakatlantirish mumkin.

Uskuna yordamida biznesingiz yanada kengayib daromadingiz oshishiga ishonamiz. Eng muhimi ushbu soha hozirgi kun talablariga to’la mos keluvchi uskunalar bilan to’ldirilishida bizning hissamiz ham borligidan faxrlanamiz.