Hujjatlar uchun qattiq muqovali reestr papka ishlab chiqarish liniyasi

Hujjatlar uchun qattiq muqovali reestr papka turlari o’lchamiga qarab farqlanadi

Uzunligi (mm)	Kengligi (mm)	Qalinligi (mm)
214	302	50
280	318	55
285	320	70
290	345	75
290	345	80
290	345	85
290	345	90

Liniyamiz yordamida yuqorida sanab o’tilgan barcha o’lchamdagi papkalar ishlab chiqarishingiz mumkin

Umumiy ma’lumotlar

• Kerakli maydon: 15*8metr 120 kvadrat metr 
• Elektr energiya quvvati: 11 kilovatt/soat
• Kuchlanish: 380 v 50 Hz
• Ishchilar soni: 5-6 kishi
• Ishlab chiqarish quvvati: tayyor mahsulot 600-700 dona/soat

Kerakli uskunalar ro’yhati

1. Karton qog’ozni kesib berish uskunasi
2. PP qoplama qoplash uskunasi
3. Papkaga shakl berish uskunasi
4. Teshib berish uskunasi
5. Kichik halqa va arkali mexanizm o’rnatish  uskunasi
6. Katta halqa   o’rnatish uskunasi
7. Oval halqa o’rnatish uskunasi
8. Papka chetiga metall qism yopishtirish uskunasi
9. Chontakcha yopishtirish uskunasi

Kerakli xomashyolar

1. Karton qog’oz
2. Metall aksessuarlar
3. Suyuq yelim
4. PP qoplama

Karton qo’gozni kesib berish uskunasi

Kesib berish uskunasi yordamida karton qog’ozlarni maxsus o’lchamlarga kesib olinadi. Karton qog’ozlar  xomashyosi standart 920×1250 mm o’lchamda sotiladi. Fayllar uchun papkalarga esa maksimal  590×345 mm karton qog’ozi kerak bo’ladi.

PP qoplama qoplash uskunasi

Tayyor kesib olingan PP qoplamalar va karton qog’ozlar ushbu uskunaga qo’yiladi. Birinchi bosqichda  PP qoplamalarga uskuna yordamida avtomatik ravishda suyuq yelim surtiladi va konveyerga o’tadi. Keyingi bosqichda PP qoplama ustiga  karton qog’oz joylashtiriladi va konveyer orqali yurishda davom etadi. So’ngi bosqichda mahsulot  uskunaning oxiridagi qismiga yetib boradi.Bu yerda PP qoplama va karton qog’oz mustahkam bo’lib yopishishi uchun uskuna roliklari orqali o’tadi va shu yerning o’zida PP qoplama karton qog’oz chetlariga buklanib yopishtiriladi. Ushbu uskuna yarim avtomatik bo’lib, ishchilar tomonidan faqatgina kartonni PP qoplama ustiga qo’yib turish vasifasi yuklatilinadi.

Papkaga shakl berish uskunasi

Karton qog’oz va PP qoplama bir biriga yopishtirilgandan so’ng to’laqonli papka shakliga keltirish uchun papkaga shakl berish uskunasi kerak bo’ladi. Uskunaga qo’yilgan mahsulot ustiga press yordamida bosim beriladi. Ushbu jaroyonda papkada parallel chiziqli ariqchlar paydo bo’ladi. Ariqchalar papka buklanishi uchun kerak bo’ladi.

Teshib berish uskunasi

Teshib berish uskunasi metall halqa va arkali mexanizm o’rnatish uchun maxsus teshiklar ochib beradi. Ushbu uskunaning afzalligi shundaki, uskuna barcha kerakli teshiklarni bir vaqtda teshib beradi, avvalgi modellarda esa har bir teshik uchun alohida uskuna kerak bo’lgan.