L-forte kids

OʻZBEKISTON RESPUBLIKASI

SOGʻLIQNI SAQLASH VAZIRLIGI

                                                                                                                                Kelishilgan

                                                                                                                                                                                                                Oʻzbekiston Respublikasi

                                                                                                                                                                                                                  Sogʻliqni Saqlash Vazirligi

                                                                                                                                                                                                                       Davlat Bosh Sanitariya Vrachi

                                                                                                                                                                                                                        __________ B.K. Yusupaliyev

                                                                                                                                                                                                                                                                                            № 001978  07.11.2023

L-forte kids

Ts 27987856-04:2023

Foydalanish uchun qo'llanma

Farmakoterapevtik guruhi. Metabolik, antioksidant, antigipoksant ta’sirga ega bo'lgan vitamin va minerallar saqlovchi BFQ.

Tarkibi. 1 paketda: L-karnitin - 300 mg, L-arginin - 50 mg, C vitamini - 50 mg, A vitamini (betakaroten) - 15 mg, E vitamini - 20 mg, B₆ vitamini - 10 mg, B₉ vitamini - 200 mkg, vitamin B₁₂ - 2 mkg, vitamin D3 - 400 XB, magniy Mg²⁺ - 40 mg, kaltsiy Ca²⁺ - 100 mg, rux Zn²⁺ - 3 mg, yod J⁺ - 50 mkg, inulin 800 mg, limon kislotasi -q.s., aromatizator (banan)-q.s.

Farmakodinamikasi.

L-karnitin bolalar tanasida ko'plab muhim funktsiyalarni bajaradi: yog' kislotalarini tashish, energiya almashinuv jarayonlari hamda immun tizimini faollashtirish, jigar va ovqat hazm qilish fermentlarini, xotirani, asab va yurak-qon tomir tizimlari ishini yaxshilash, toksinlarga qarshi kurashish, qalqonsimon bezning giperfunksiyasi va modda almashinuv jarayonlarini tartibga solish.

  L-arginin bolalar salomatligini saqlashda muhim rol o'ynaydi. Azot oksidi sintezida ishtirok etib, bolalarning o'sishi va rivojlanishiga yordam beradi, qon aylanishini yaxshilaydi, yurak-qon tomir tizimining salomatligini va immun tizimi mustahkamligini qo'llab-quvvatlaydi.

C vitamini immunitetni mustahkamlaydi, elektrolitlar va qon ivishini tartibga soladi, yallig'lanishni kamaytiradi va allergik reaktsiyalarni yengillashtiradi, temir va kaltsiyning so'rilishini yaxshilaydi va boshqa vitaminlarning erta parchalanishini oldini olib ularning barqarorligi hamda samaradorligini oshiradi. Ovqat hazm qilish va ishtahani yaxshilaydi.

Vitamin A (beta-karotin) o'sish va rivojlanish uchun zarur bo'lgan kuchli antioksidant. Uning bola salomatligi uchun foydalari quyidagilardan iborat: suyak va tishlarning o'sishini rag'batlantirish, ko'rishni yaxshilash, yaralar va teri shikastlanganda qayta tiklanishini tezlashtiradi, nafas olish tizimiga ijobiy ta'sir ko'rsatadi. A vitamini ham metabolizmni faollashtiradi, diqqat, xotira va aqliy faoliyatni yaxshilaydi.

E vitamini kuchli antioksidant sifatida hujayra membranalarini shikastlanishdan himoya qilib, bolalar organizmining rivojlanishida asosiy rol o'ynaydi. Tanadagi kislorod almashinuvini yaxshilaydi. Teri, tirnoq va sochlarning holatiga ijobiy ta’sir qiladi.

Vitamin B₆ asab tizimi faoliyatini normallashtiradi, uyquni, xulq-atvor va o'zlashtirish qobiliyatini yaxshilaydi, qonda glyukoza darajasini tartibga soladi, serotonin - "baxt gormoni" sinteziga yordam beradi.

B₉ vitamini quyidagi xususiyatlarga ega: gematopoetik tizim funktsiyasini normallashtiradi va anemiyani oldini oladi, hujayralarning to'g'ri o'sishiga yordam beradi, serotonin kontsentratsiyasining optimalligini tartibga soladi, asab tizimi faolligiga ta’sir qilib maktab o'quvchilariga intellektual zo'riqishni osonroq yengishga yordam beradi, charchoq va hissiy stressni yengillashtiradi, o'smirlik davrida tanadagi gormonal o'zgarishlar yengil kechishini rag'batlantiradi.

B₁₂ vitamini qizil qon tanachalari ishlab chiqarish va asab tizimining ishlashi uchun muhimdir. B12 vitaminini yetarli darajada qabul qiladigan bolalarda kamqonlik, nafas olish yo'llari infektsiyalari bilan kasallanish ehtimoli kamroq bo'lib, konsentratsiya, jismoniy chidamlilik va hissiy barqarorlikka ega bo'ladi.

Rux muhim mikroelement hisoblanadi.U teri hujayralarining yangilanishi, yaralarning tezroq bitishi, soch va tirnoqlarning o'sishi, immunitet tizimini mustahkamlash, metabolizmni rag'batlantirish, qondagi glyukoza miqdorini tartibga solish, xotira va e’tiborni yaxshilashda ishtirok etadi. A vitamini bilan birgalikda rux bolalarning ko'rish qobiliyati uchun ayniqsa foydali bo'lib, ko'rish o'tkirligini oshiradi, qorong'ilikka moslashuvchanlik va o'qish jarayonida ko'zga tushadigan yuklama natijasida miyopiya rivojlanish xavfini kamaytiradi. Rux elementi bolaning kuchli va sog'lom bo'lib o'sishiga yordam beradi.

Magniy: mushak va asab faoliyati uchun muhim. Magniy tayanch to'qimalar salomatligi uchun zarur bo'lib kaltsiyni so'rilishiga yordam beradi, nerv impulslari uzatilishida ishtirok etib qondagi qand darajasi va qon bosimini normal saqlanishida hamda energiya almashinuv jarayonlarining tartibga solinishida faol qatnashadi.

  Kaltsiy suyaklar va tishlar salomatligi uchun zarur bo'lib, metabolizmni, mushaklar faoliyatini va qon ivishini tartibga soladi.

"Quyosh vitamini" deb nomlanuvchi D3 vitamini bolalar salomatligida muhim rol o'ynaydi. Bu kaltsiy va fosforning so'rilishi uchun zarur bo'lib, suyaklarning mustahkam shakllanishiga yordam beradi, mushaklar faoliyatini qo'llab-quvvatlaydi, asab tizimining faoliyatida ishtirok etib xushchaqchaq kayfiyat, yuqori ishchanlik qobiliyatini saqlashga yordam beradi.

Yod organizm uchun muhim mikroelement bo'lib gormonal muvozanat uchun mas’ul bo'lgan qalqonsimon bezning ishlashi uchun zarurdir. Yod tanqisligi bolalarda xotira, diqqat va aqliy zaiflikka olib keladi. Shuningdek, u miya va asab tizimining ishiga ta’sir qiladi, kayfiyat o'zgarishi va tashvishlardan himoya qiladi. Bolalarda yod tanqisligi charchoq, eslab qolishda qiyinchilik va hatti-harakatlarning o'zgarishi sifatida namoyon bo'lishi mumkin.

Inulin ovqat hazm qilishni yaxshilash, sog'lom ichak florasini saqlash, kaltsiy va magniy so'rilishini rag'batlantirish va immunitetni oshirishga yordam beradigan prebiotikdir.

Qo'llanilishi.

L-forte kids preparati quyidagi hollarda bolalar uchun tavsiya etilishi mumkin:

Immunitetni mustahkamlab tananing umumiy holatini yaxshilashda hamda ishtahani ochish uchun.

Yurak-qon tomir tizimining faoliyatini yaxshilash uchun.

O'sish va rivojlanishni yaxshilash uchun.

Xotira va konsentratsiyani oshirish uchun.

Teri, soch va tirnoqlarning holatini yaxshilash uchun.

Kasallik yoki kasallikdan tiklanish davrida vitamin va minerallar manbai sifatida.

Jismoniy va aqliy rivojlanishning kechikishi, raxit, anemiya, difteriyalarda.

Qo'llash mumkin bo'lmagan holatlar.

1 yoshdan kichik bolalarda hamda komponentlariga yuqori sezuvchanlik bo'lganida qo'llash tafvsiya etilmaydi.

Qo'llash usuli va dozasi. L-Forte kids ovqatdan oldin yoki ovqat paytida qabul qilinadi. 50 ml iliq (30-40℃) holatdagi  suyuqlikda 1 paketini aralashtiriladi. Tavsiya etilgan davolanish muddati 2-3 haftadan 3-4 oygacha (o'rtacha 1 oy). 2-5 yoshli bolalar, 2 dozadan kuniga 1 paket, 6-10 yosh, kuniga 2 marta 1 paket, 11-14 yosh, kuniga 3 marta 1 paket.

L-forte kidsni qabul qilish dozalari va davomiyligini bemorning holatiga ko'ra mutaxassis tomonidan o'zgartirilishi mumkin.

Chiqarilish shakli. 15 ta paket foydalanish bo'yicha ko'rsatmalar bilan birga karton qutiga qadoqlangan.

L-forte kids retseptsiz beriladi.

Mahsulot sertifikatlangan.

Saqlash sharoiti. Quruq (namligi 70% dan ko'p bo'lmagan), bolalar qo'li yetmaydigan joyda, 25°C dan yuqori bo'lmagan haroratda saqlang.

Yaroqlilik muddati: Ishlab chiqarilgan kundan boshlab 24 oy.

Ishlab chiqaruvchi: “VITALLY” XK, Toshkent viloyati, Yuqorichirchiq tumani, Sofdil, №45 tel.: +998909539005