Madohil – ichki va tashqi sirtlar uchun dekorativ boʻyoq boʻlib, yuqori sifatli akril polimer bogʻlovchi asosida ishlab chiqarilgan.
Xususiyatlari:
• devorlarni bezaydi, himoyalaydi
• tashqi muhit taʼsiriga nihoyatda chidamli, ekologik toza.
• qurigandan keyin baxmaldek koʻrinib, boshqa mahsulotlarda topilmaydigan jilolar hosil qiladigan ajoyib boʻyoq.
Boʻyash qoidalari:
1. Boʻyashdan oldin sirtni kir, chang, yogʻ qoldiqlaridan, eski boʻyoqlardan tozalab tashlang.
2. Sement yoki gips bilan suvalgan, gipsokarton qoplangan devorlarni, beton panellarni boʻyash mumkin.
3. Boʻyashdan oldin sirtni shpatlevka bilan tekislang. Soʻng 1:7 nisbatda suv bilan aralashgan Dafero astar boʻyogʻini suring. Astar boʻyogʻi 1-3 soatda qotadi.
4. Astar boʻyogʻi qotgach, suvli emulsiya suriladi. Emulsiya 4-5 soatda qurigach, Madohil boʻyogʻi bilan andavani gorizontal, vertikal va kesishuvchi yoʻnalishlarda tortib, istagancha naqshlar chiqarish mumkin.
5. Suyultirmasdan ishlatiladi.
Madohil boʻyogʻi bilan andava yordamida istagancha naqshlar chiqariladi.
Boʻyoq sarfi: 6-7 m2 / kg (bir marta boʻyaganda).
Boʻyoq sarfi naqshlarning murakkabligiga, yuzaning holatiga qarab oʻzgarishi mumkin.
Eslatma: Madohil boʻyogʻi – ekologik toza, insonga ham, tabiatga ham zarar keltirmaydigan xavfsiz mahsulotdir.
Sirt bilan bogʻlovchi negiz: akrilli dispersiya.
Saqlash: ogʻzi yopiq idishda +5°C...+30°C haroratda, quyosh nuri zarar bermaydigan sharoitda saqlang.
Saqlash muddati: ishlab chiqarilgan kundan boshlab 12 oy.
© 2012 - 2024 glotr.uz. Barcha huquqlar himoyalangan.
