NeoFaringo Forte Kids — Bolalarda tomoq og‘rishi va yallig‘lanishiga qarshi tabiiy vosita

Savdo belgisi: Neo Faringoforte Kids®

Chiqarilish shakli: Sprey 35 ml flakonda.

Tarkibi:10 ml (5%) eritmada– alunit 5 mg; moychechak guli ekstrakti 5 mg. Yordamchi moddalar: distillangan suv, natriy benzoate, tabiy aromatizator.

Farmakologik xususiyatlari: Neo Faringoforte Kids®- Og'iz bo'shlig'iga mahalliy qo'llash uchun, yallig'lanishga qarshi va mahalliy og'riq qoldiruvchi vosita. Neo Faringoforte Kids tarkibidagi alunit minerali kuchli gidrofillik xususiyatiga ega. Alunit yallig’langan to’qimadagi va mikroorganizmlar hujayrasidagi suvni o’ziga tortib olib yallig’lanishga qarshi va antimikrob ta’sir ko’rsatadi. Turli mikroorganizmlarga va zamburg’larga qarshi keng ta’sir spektriga ega. Mahalliy qo'llanilganda og'iz bo'shlig'i shilliq qavatida yallig'langan to'qimalarga tez singib, yallig'lanishni bartaraf etadi. Alunit eritmasi - og'iz bo'shlig'i va tomoqdagi yallig'lanishlarda, allergik qichishishlarda hamda milklarning shikastlanib qonashida samarali qo’llaniladi. Alunit eritmasi og’iz bo’shlig’i va tomoqning ba’zi virusli kasalliklarida ham (O’RK, O’RVI, tonzillit) yaxshi samara beradi. Alunit allergik reaktsiyalarni keltirib chiqarmaydi, shuning uchun bolalar, terisi ta’sirchan odamlar, homilador va emizikli ayollarda ham qo’llash imkonini beradi.

Moychechak ekstrakti: tarkibida tabiiy kumarinlar, bioflavinoidlar, sallitsil kislotalari va turli vitaminlar saqlaydi. Mahalliy qo’llanilganda yengil og'riq qoldiruvchi, yallig’lanishga qarshi va antimikrob (ayniqsa Staphylococcus spp. va Candida spp.ga qarshi) ta’sir qiladi. Yallig'lanish o'choqlarini qamrab olib uni bartaraf etadi. Tomoq va og'iz bo'shlig'i shilliq qavatini yallig'lanishdan keyingi qayta tiklanishini tezlashtiradi.

Qo’llashga ko’rsatmalar:   

•       Turli sabablarga ko’ra rivojlangan og’iz bo’shlig’i yallig’lanish kasalliklari: stomatit, gingivit, glossit;    

•       Tonzillit, faringit, laringit;

•       Og’iz bo’shlig’i shilliq qavati kandidozlarida;

•       So’lak bezlarining kalkulyoz yallig’lanishlarida;

•       O’g’iz bo’shlig’idagi jarrohlik amaliyotlaridan so’ng (tonzillektomiya, tishlar va jag' suyagidagi amaliyotlar); og’iz boshlig’i shilliq qavati shikastlanishlarida;

•       Tishlarni olib tashlash muolajalaridan so’ng tiklanish davrida;

•       Neo Faringoforte Kids terining turli yallig’lanish kasalliklarida va kosmetologik muolajalarda ham ishlatish mumkin.

Qo’llash usullari: 3 yoshdan 10 yoshgacha bo‘lgan bolalar uchun 1 kunda 1-3 mahal og’iz bo’shlig’iga sepish tavsiya qilinadi. Bolalar uchun kunlik maksimal qo’llash 5 mahalgacha.

Nojo’ya ta’sirlari: vaqtinchalik og’izda quruqlik hissi va taxir ta’m kelishi.

Qarshi ko’rsatmalar: eritma komponentlariga individual ta’sirchanlik.

Dorixonalardan berilish tartibi: shifokor retseptisiz. Neo Faringoforte Kids®

dori vositasi emas.

Eslatma: Mahsulot ko’zga tushganida oqar suv bilan yuvib tashlang va mahsulot qutisi bilan shifokorga murojaat qiling! Dori vositasi emas.

Yaroqlilik muddati: Ishlab chiqarilgan sanadan boshlab 24 oy.

Ishlab chiqaruvchi: MCHJ “Bio Time” «Neo Group Style» kompaniyasi uchun eksklyuziv mahsulot. O`zbekistonda ishlab chiqarilgan.