FOYDALANUVCHI SHARTNOMASI

 

Mazkur Foydalanuvchi shartnomasi (bundan buyon matnda – “Shartnoma”) www.glotr.uz Internet-saytdan foydalanish qoidalarini belgilaydi.

 

1. UMUMIY QOIDALAR

1.1. Mazkur Shartnoma www.glotr.uz Internet-saytdan foydalanish shartlarini belgilaydi hamda quyida keltirilgan harakatlar orqali tegishli ravishda Shartnomaga qo’shilgan yuridik salohiyatli jismoniy shaxs (bundan buyon matnda – “Foydalanuvchi”) va www.glotr.uz Internet-sayt uchun alohida huquq egasi hisoblangan «WEB MEDIA GROUP» MChJ (bundan buyon matnda – “GLOTR”) o’rtasida tuzilgan.

1.2. GLOTR Foydalanuvchi xabardor qilinmagan holda istalgan vaqtda Shartnoma bandlarini o’zgartirish, qo’shimcha kiritish yoki olib tashlash huquqini o’zida qoldiradi.

1.3. Foydalanuvchi tomonidan Saytdan foydalanish Shartnoma va ushbu Shartnomaga kiritilgan o’zgartishlar qabul qilinganligini anglatadi.

1.4. Foydalanuvchi Shartnomaning unga o’zgartishlar kiritilganligi yuzasidan tekshirilishi uchun shaxsan javobgar bo’ladi.

1.5. Foydalanuvchi mustaqil ravishda tegishli namunaga belgi qo’yish orqali Shartnoma shartlariga o’zining to’liq roziligini bildiradi.

 

2. ATAMALAR VA TA’RIFLAR

2.1. Shartnoma maqsadlarida quyida keltirilgan atamalardan quyidagicha ma’nolarda foydalaniladi:

www.glotr.uz Internet-sayt (bundan buyon matnda – “Sayt”) – Internet tarmog’ida GLOTR tomonidan joylashtirilgan umumiy foydalanish uchun ochiq Internet-resursi;  

Foydalanuvchi – Ta’minotchidan tovarlar (xizmatlar/ishlar)ni xarid qilish maqsadida Saytda e’lon qilingan bunday tovarlar (xizmatlar/ishlar) to’g’risidagi axborotdan foydalangan Saytga kiruvchi shaxs;

Ta’minotchi – GLOTR bilan shartnoma tuzgan, turli xil xizmatlarni taqdim qiladigan hamda realizatsiya qilinadigan tovarlar, ko’rsatiladigan xizmatlar va bajariladigan ishlar uchun Foydalanuvchidan pul mablag’larini oladigan yuridik shaxs / yuridik shaxs filiali, yakka tartibdagi tadbirkor yoki o’z-o’zini ish bilan ta’minlovchi shaxs.

Ro’yxatdan o’tkazish – Saytda Foydalanuvchining yangi hisobga olish qaydini tashkil qilish jarayonidan iborat bo’lib, bunda Foydalanuvchi o’z shaxsiy ma’lumotlarini taqdim qiladi va (yoki) kelgusida hisobga olish qaydiga kirish uchun yagona login va parolni tanlaydi.

Avtorizatsiyalash – Saytda hisobga olish qaydidan foydalanish huquqini taqdim qilish uchun Foydalanuvchi tomonidan taqdim qilingan ma’lumotlar haqiqiyligini tekshirish jarayoni.

 

3. SHARTNOMA PREDMETI

3.1. Shartnoma predmeti Foydalanuvchiga Saytdagi tovarlar (xizmatlar/ishlar)dan foydalanish huquqini taqdim qilishdan iborat.

3.2. Sayt Foydalanuvchi Saytda ro’yxatdan o’tkazilganidan so’ng unga quyidagi turdagi xizmatlarni taqdim qiladi:

3.2.1. Foydalanuvchiga xabarnomalar, sharhlar, Foydalanuvchilar taqrizlarini joylashtirish, sayt kontentiga baholar qo’yish imkoniyatini taqdim qilish;

3.2.2. Saytda joylashtirilgan tovarlar (xizmatlar/ishlar) bilan tanishtirish;

3.2.3. Saytda xarid qilishni amalga oshirish uchun tovarlar (xizmatlar/ishlar)ni tanlash va buyurtma qilish;

3.2.4. Shartnoma shartlari Saytning ayni paytda mavjud bo’lgan (amaliy yo’lga qo’yilgan) barcha xizmatlariga, shuningdek ularning har qanday kelgusi modifikatsiyalariga va kelgusida paydo bo’ladigan qo’shimcha xizmatlarga joriy qilinadi.

3.3. Saytdan foydalanish huquqi bepul asosda taqdim qilinadi.

3.4. Shartnoma ommaviy oferta hisoblanadi. Saytdan foydalanish huquqini olish orqali Foydalanuvchi Shartnomaga qo’shilgan hisoblanadi.

3.5. Saytdan foydalanish O’zbekiston Respublikasining amaldagi qonun hujjatlari normalariga asosan tartibga solinadi. 

4. HUQUQLAR VA MAJBURIYATLAR

4.1. GLOTR quyidagilarga haqli:

4.1.1. Saytdan foydalanish qoidalarini o’zgartirish, shuningdek mazkur Sayt tarkibini o’zgartirish. O’zgartishlar Saytda Shartnomaning yangi tahriri e’lon qilingan paytdan e’tiboran kuchga kiradi.

 

4.2. Saytdan Foydalanuvchi quyidagilarga haqli:

4.2.1. Saytda mavjud barcha xizmatlardan foydalanish, shuningdek Saytda taklif qilinadigan har qanday tovarlar (xizmatlar/ishlar)ni xarid qilish;

4.2.2. Sayt xizmatlariga tegishli har qanday savollar bilan murojaat qilish:

– telefon raqami: +998781506776;

– elektron pochta manzili: support@glotr.uz;

– glotr.uz/contact/ manzili bo’yicha joylashgan qayta aloqa bog’lash namunasi orqali.

4.2.3. Saytdan faqat Shartnomada nazarda tutilgan va O’zbekiston Respublikasining qonun hujjatlarida taqiqlanmagan maqsadlarda va tartibda foydalanish.

 

4.3. Saytdan Foydalanuvchi quyidagi majburiyatlarni oladi:

4.3.1. Saytning me’yoriy ishlashini buzadigan sifatida baholanishi mumkin bo’lgan harakatlarni amalga oshirmaslik;

4.3.2. Saytdan foydalanish orqali jismoniy yoki yuridik shaxslar to’g’risida har qanday maxfiy va O’zbekiston Respublikasining qonun hujjatlarida himoya qilinadigan axborotni tarqatmaslik;

4.3.3. O’zbekiston Respublikasining qonun hujjatlarida himoya qilinadigan axborot maxfiyligi buzilishiga olib kelishi mumkin bo’lgan har qanday harakatlardan saqlanish;

4.3.4. Saytdan reklama xususiyatli axborotni tarqatish uchun foydalanmaslik;

4.3.5. Servislardan quyidagi maqsadlarda foydalanmaslik:

4.3.5.1. voyaga yetmagan shaxslar huquqlari buzilishi va (yoki) ularga har qanday shaklda zarar yetkazilishi;

4.3.5.2. ozchilik huquqlari kamsitilishi;

4.3.5.3. tegishli yetarlicha huquqlarsiz o’zini boshqa shaxs yoki tashkilot va (yoki) hamjamiyat vakili, shu jumladan mazkur Sayt xodimi qilib ko’rsatish;

4.3.5.4. Saytda joylashtirilgan har qanday tovarlar (xizmatlar/ishlar) xossalari va xususiyatlari yuzasidan yanglish fikr uyg’otish;

4.3.5.5. tovarlar (xizmatlar/ishlar)ni noto’g’ri solishtirish, shuningdek muayyan tovarlar (xizmatlar/ishlar)dan foydalanadigan (foydalanmaydigan) shaxslarga nisbatan salbiy munosabatlarni shakllantirish yoki bunday shaxslarni ayblash;

4.3.5.6. noqonuniy hisoblangan, uchinchi shaxslarning har qanday huquqlarini buzadigan; zo’ravonlik, shafqatsizlik, nafrat va (yoki) irqiy, milliy, jinsiy, diniy, ijtimoiy belgilari bo’yicha kamsitilishni targ’ib qiladigan; noto’g’ri ma’lumotlarni va (yoki) muayyan shaxslar, tashkilotlar, hukumat organlari nomiga haqoratli so’zlarni o’z ichiga olgan kontentni yuklab olish;

4.3.5.7. qonunga xilof harakatlarni sodir etishga undash, shuningdek harakatlari O’zbekiston Respublikasi hududida amal qiladigan cheklovlar va taqiqlarni buzishga qaratilgan shaxslarga ko’maklashish.

4.3.6. Taqdim qilinadigan axborot to’g’riligini ta’minlash;

4.3.7. Shaxsiy ma’lumotlarning uchinchi shaxslar tomonidan foydalanilishidan tegishlicha saqlanishini ta’minlash.

4.4. Ta’minotchi tovarlari (xizmatlari/ishlari) sifati / soni / turi bo’yicha shikoyatlar / savollar / takliflar bo’lgan holatda, mustaqil ravishda va o’z hisobidan GLOTR bilan bog’lanish va bunday turdagi masalalarni GLOTRga taqdim etmagan holda hal qilish.

 

4.4. Foydalanuvchiga quyidagilar taqiqlanadi:

4.4.1. Saytga kirish, xarid qilish, nusxa ko’chirish yoki Sayt tarkibini kuzatib borish uchun har qanday uskunalar, dasturlar, tartib-taomillar, algoritmlar va usullar, avtomatik qurilmalar yoki ekvivalent dastaki jarayonlardan foydalanish;

4.4.2. Saytning tegishlicha faoliyatini buzish;

4.4.3. Mazkur Sayt servislari tomonidan maxsus taqdim qilinmagan har qanday vositalar yordamida har qanday axborot, hujjatlar yoki materiallarni olish yoki olishga urinish uchun Saytning navigatsiya tarkibini har qanday usulda chetlab o’tish;

4.4.4. Sayt funktsiyalaridan, mazkur Saytga tegishli har qanday boshqa tizimlar yoki tarmoqlardan, shuningdek Saytda taklif qilinadigan har qanday xizmatlardan ruxsatsiz foydalanish;

4.4.5. Saytda yoki Saytga tegishli har qanday tarmoqda xavfsizlik yoki autentifikatsiyalash tizimini buzish;

4.4.6. Saytning har qanday boshqa Foydalanuvchisi to’g’risida har qanday axborotni qayta izlash, kuzatib borish yoki kuzatib borishga urinishni amalga oshirish;

4.4.7. Sayt va uning tarkibidan O’zbekiston Respublikasining qonun hujjatlarida taqiqlangan har qanday maqsadlarda foydalanish, shuningdek har qanday noqonuniy faoliyatni yoxud Sayt yoki boshqa shaxslar huquqlarini buzadigan boshqa faoliyatni amalga oshirishga undash.

 

5. SAYTDAN FOYDALANISH

5.1. Sayt GLOTRga tegishli va u tomonidan boshqariladi.

5.2. Sayt tarkibi mualliflik huquqi, tovar belgilari to’g’risida qonun hujjatlari, shuningdek intellektual mulk bilan bog’liq boshqa huquqlar va vijdonsiz raqobat to’g’risida qonun hujjatlari bilan himoya qilingan.

5.3. Shartnoma shartlari Saytda taqdim qilinadigan tovarlar (xizmatlar/ishlar)ni xarid qilish to’g’risida barcha qo’shimcha qoidalar va shartlarga joriy qilinadi.

5.4. GLOTR Ta’minotchilar bilan birgalikda istalgan vaqtda, Foydalanuvchi xabardor qilinmagan holda, Saytda taklif qilinadigan tovarlar (xizmatlar/ishlar) ro’yxatiga va (yoki) ular narxiga o’zgartishlar kiritishga haqli.

5.5. Shartnomaning 5.6-bandida qayd etilgan hujjat tegishli qismlarni boshqaradi va Foydalanuvchi tomonidan Saytdan foydalanishga joriy qilinadi.

5.6. Maxfiylik siyosati: https://glotr.uz/page/maxfiylik-siyosati-3/.

5.7. Shartnomaning 5.6-bandida qayd etilgan hujjatlardan istalgan biri yangilanishi mumkin. O’zgartishlar Saytda e’lon qilingan paytdan e’tiboran kuchga kiradi. 5.8. Foydalanuvchi ro’yxatdan o’tmagan holda Saytdan foydalanishi mumkin yoki Shartnomaning 3.2-bandida qayd etilgan xizmatlardan foydalanish maqsadida ro’yxatdan o’tkazish jarayonidan o’tishi mumkin.

Foydalanuvchi ro’yxatdan o’tkazish jarayonidan, so’ngra avtorizatsiyalash jarayonidan o’tish uchun tegishli shaklda o’zining to’g’ri va aktual ma’lumotlarini kiritishi kerak.

 

6. JAVOBGARLIK

6.1. GLOTR bitim tashkilotchisi yoki uning Tarafi hisoblanmaydi, balki savdo kommunikatsiya platformasi bo’lib, u Ta’minotchilarga Saytda e’lon qilingan tovarlar (xizmatlar/ishlar)ni realizatsiya qilish maqsadida joylashtirish, Foydalanuvchilarga esa bunday tovarlar (xizmatlar/ishlar) xarid qilinishini amalga oshirish imkoniyatini taqdim qiladi. 

6.1.2. GLOTR tovarlar (xizmatlar/ishlar)ni mustaqil ravishda realizatsiya qilish maqsadida ular to’g’risidagi axborotni Saytda e’lon qilmaydi.

6.1.3. GLOTR Foydalanuvchilarga Saytda e’lon qilingan Ta’minotchilar tovarlari (xizmatlari/ishlari)ni xarid qilish majburiyatini yuklamaydi.

6.1.4. Saytda tovarlarni xarid qilishda qaror qabul qilinishi yoki biron-bir harakat amalga oshirilishi uchun faqat Foydalanuvchi javobgar bo’ladi.

 

6.2. GLOTR quyidagilar uchun javobgar bo’lmaydi:

6.2.1. Ta’minotchilar tomonidan e’lon qilingan yoki taqdim qilingan axborot mazmuni va to’g’riligi uchun;

6.2.2. Saytdagi reklama axborotidan foydalanish oqibatida xarid qilinadigan tovarlar (xizmatlar/ishlar) sifati, xavfsizligi, qonuniyligi, ularning umumiy qabul qilingan standartlarga yoki Foydalanuvchi umidlariga ehtimoliy javob bermasligi uchun;

6.2.3. Foydalanuvchi tomonidan olingan axborotdan foydalanish oqibatlari uchun;

6.2.4. Foydalanuvchiga yetkazilgan bevosita yoki bilvosita zarar, shuningdek Saytdan foydalanish yoki foydalanish imkoniyati yo’qligi natijasida yetkazilgan har qanday moddiy yoki moddiy bo’lmagan zararlar uchun;

6.2.5. uchinchi shaxslar tomonidan Saytdan joylashtirilgan axborotdan (ham qonuniy, ham noqonuniy ravishda) foydalanilganligi, shu jumladan ularning Sayt doirasida ham, boshqa ehtimoliy usullar orqali ham amalga oshirilgan namoyish etilganligi va tarqatilganligi uchun;

6.2.6. Saqlanish yoki yengib o’tish imkoniyati bo’lmaydigan (hukumat qarorlari, mehnat nizolari, baxtsiz hodisalar, umumiy kommunikatsiya tizimidagi uzilishlar, uskunalar va dasturiy ta’minot ishidagi texnik to’xtalishlar sababli yuzaga kelgan Sayt ishidagi nosozliklar kabi) kutilmagan vaziyatlar tufayli Saytdan foydalanish huquqini taqdim qilish bo’yicha majburiyatlar bajarilmaganligi yoki bajarilishdagi qiyinchiliklar uchun.

 

8. NIZOLARNI HAL QILISH

8.1. Shartnoma Taraflari o’rtasida har qanday kelishmovchiliklar yoki nizolar yuzaga kelgan holatda, da’vo qilish (nizoni ixtiyoriy hal qilish to’g’risida yozma shaklda taklif) sudga murojaat qilishgacha majburiy shart hisoblanadi.

8.2. Da’vo arizasini oluvchi ushbu da’vo arizasi olingan kundan e’tiboran 30 (o’ttiz) kalendar kuni mobaynida da’vo qiluvchini mazkur da’vo ko’rib chiqilishi natijalari to’g’risida yozma shaklda xabardor qiladi.

8.3. Nizoni ixtiyoriy tartibda hal qilish imkoniyati bo’lmagan holatda, Taraflarning istalgan biri O’zbekiston Respublikasining amaldagi qonun hujjatlarida taqdim qilingan o’z huquqlari himoya qilinishi uchun sudga murojaat qilishga haqli.

 

9. MAXFIYLIK

9.1. GLOTR Foydalanuvchilarning elektron manzillarini uchinchi tomonga bermaslik majburiyatini oladi, Foydalanuvchi tomonidan Shartnoma shartlari qo’pol ravishda buzilishi holatlari bundan mustasno, bunday holatlarda GLOTR Foydalanuvchining shaxsiy ma’lumotlarini zarar yetkazilgan tomonga va (yoki) huquqni muhofazalash organlariga berishga haqli.

9.2. GLOTR o’z statistik va marketing maqsadlari, shuningdek Foydalanuvchilarni xizmatlarni taqdim qilish tartibi to’g’risida xabardor qilish uchun Foydalanuvchilarning shaxsiy ma’lumotlaridan anonim ravishda va umumlashtirilgan shaklda foydalanish imkoniyatini ham o’zida qoldiradi.

 

10. QO’SHIMCHA SHARTLAR

10.1. Sayt ma’muriyati Foydalanuvchidan mazkur Foydalanuvchi shartnomasiga o’zgartishlar yuzasidan javob takliflarni qabul qilmaydi.

10.2. Foydalanuvchining Saytda joylashtirilgan fikr-mulohazalari maxfiy axborot hisoblanmaydi va GLOTR tomonidan cheklanishlarsiz foydalanilishi mumkin.

 

11. GLOTR REKVIZITLARI

 

«WEB MEDIA GROUP» MChJ

Yuridik manzili:

O’zbekiston Respublikasi, Toshkent shahri, Zulfiyaxonum ko’chasi, 12-uy.

STIR: 302 285 300

Sayt: www.glotr.uz

Tel.: +998 (78) 150-67-76