«WEB MEDIA GROUP» MChJ (bundan buyon matnda – “GLOTR”) MAXFIYLIK SIYOSATI (bundan buyon matnda – “Siyosat”)

 

1. ATAMALAR VA TA’RIFLAR

Shaxsiy ma’lumotlar – bevosita yoki bilvosita muayyan yoki aniqlanadigan jismoniy shaxsga tegishli bo’lgan va uni identifikatsiyalash imkonini beradigan elektron, qog’oz va (yoki) boshqa moddiy axborot tashuvchi vositada qayd etilgan har qanday axborot.

Shaxsiy ma’lumotlar sub’ekti – shaxsiy ma’lumotlar tegishli bo’lgan jismoniy shaxs.

GLOTR – mazkur Siyosat doirasida shaxsiy ma’lumotlarni ishlaydigan va shaxsiy ma’lumotlar bazasiga egalik qilish, undan foydalanish va boshqarish huquqiga ega bo’lgan yuridik shaxs hisoblanadi.

Shaxsiy ma’lumotlarni ishlash – shaxsiy ma’lumotlar bilan avtomatizatsiyalash vositalaridan foydalanilgan yoki foydalanilmagan holda amalga oshiriladigan har qanday harakat (operatsiya) yoki harakatlar (operatsiyalar) majmui, shu jumladan shaxsiy ma’lumotlarni to’plash, yozish, tartibga keltirish, yig’ish, saqlash, aniqlik kiritish (yangilash, o’zgartirish), chiqarib olish, foydalanish, uzatish (tarqatish, taqdim qilish, foydalanish imkoniyatini yaratish), egasiz qilib qo’yish, blokirovka qilish, olib tashlash, yo’q qilish.

Shaxsiy ma’lumotlarni to’plash – shaxsiy ma’lumotlar olinishi bilan bog’liq harakatlar.

Shaxsiy ma’lumotlarni tizimlashtirish – shaxsiy ma’lumotlarni bir muayyan tizimga birlashtirishga qaratilgan harakatlar.

Shaxsiy ma’lumotlarni saqlash – shaxsiy ma’lumotlar butunligi, maxfiyligini va ulardan foydalanish imkoniyatini ta’minlashga doir harakatlar.

Shaxsiy ma’lumotlarni tarqatish – shaxsiy ma’lumotlarni nomuayyan shaxslar doirasiga oshkor qilishga, shu jumladan shaxsiy ma’lumotlarni ommaviy axborot vositalarida e’lon qilishga, Internet Jahon axborot tarmog’ida joylashtirishga yoki shaxsiy ma’lumotlardan biron-bir boshqa usulda foydalanish imkoniyatini taqdim qilishga qaratilgan harakatlar.

Shaxsiy ma’lumotlarni taqdim qilish – muayyan shaxsga yoki muayyan shaxslar doirasiga shaxsiy ma’lumotlarni oshkor qilishga qaratilgan harakatlar.

Shaxsiy ma’lumotlarni blokirovka qilish (cheklash) – shaxsiy ma’lumotlarni ishlashning vaqtincha to’xtatilishi (shaxsiy ma’lumotlarni ishlash ularga aniqlik kiritish uchun zarur holatlar bundan mustasno).

Shaxsiy ma’lumotlardan foydalanish – mulkdor, operator va uchinchi shaxs faoliyati maqsadlarini realizatsiya qilishga yo’naltirilgan shaxsiy ma’lumotlar bilan bog’liq harakatlar.

Shaxsiy ma’lumotlarga o’zgartishlar va (yoki) qo’shimchalarni kiritish – shaxsiy ma’lumotlar bazasidagi shaxsiy ma’lumotlarga o’zgartishlar va (yoki) qo’shimchalar kiritilishi.

Shaxsiy ma’lumotlarni egasiz qilib qo’yish – shaxsiy ma’lumotlarning muayyan shaxsiy ma’lumotlar sub’ektiga tegishliligini qo’shimcha axborotdan foydalanilmay aniqlash mumkin bo’lmasligiga olib keladigan harakatlar.

Shaxsiy ma’lumotlarni yo’q qilish – shaxsiy ma’lumotlar axborot tizimida shaxsiy ma’lumotlar mazmunini tiklash mumkin bo’lmasligiga va (yoki) shaxsiy ma’lumotlarni moddiy tashuvchi vositalar yo’q qilinishiga olib keladigan harakatlar.

Shaxsiy ma’lumotlarni boshqacha nomlash va anonimlash – shaxsiy ma’lumotlar qo’shimcha axborotdan foydalanilmagan holda muayyan shaxsiy ma’lumotlar sub’ekti bilan bog’lanishi mumkin bo’lmaydigan ravishda amalga oshiriladigan shaxsiy ma’lumotlarni ishlash, bunda qo’shimcha axborot alohida saqlanishi hamda unga shaxsiy ma’lumotlar identifikatsiyalangan yoki identifikatsiyalanadigan shaxs bilan bog’liq bo’lmasligini ta’minlashning texnik va tashkiliy chora-tadbirlari qo’llanishi shart.

Shaxsiy ma’lumotlarni avtomatlashtirilgan ravishda ishlash – shaxsiy ma’lumotlarni hisoblash texnikasi vositalari yordamida ishlash.

Shaxsiy ma’lumotlar axborot tizimi – elektron ma’lumotlar bazalarida saqlanadigan shaxsiy ma’lumotlar va ularning ishlanishini ta’minlaydigan axborot texnologiyalari va texnik vositalar majmui.

Shaxsiy ma’lumotlar maxfiyligi – GLOTR yoki boshqa shaxsiy ma’lumotlardan foydalanish huquqini olgan shaxs tomonidan rioya qilinishi shart bo’lgan shaxsiy ma’lumotlar sub’ektining roziligisiz yoki boshqa qonuniy asossiz shaxsiy ma’lumotlar tarqatilishiga yo’l qo’ymaslik talabi.

Foydalanuvchi – saytdan foydalanuvchi – Saytda ro’yxatdan o’tkazish bo’yicha harakatlarni amalga oshirgan, o’z shaxsiy profili / akkauntiga ega bo’lgan, Saytdan uning funktsional imkoniyatlariga asosan foydalanadigan jismoniy shaxs.

Sayt – Internet tarmog’ida quyidagi manzil bo’yicha GLOTR tomonidan joylashtirilgan umumiy foydalanish uchun ochilgan Internet-resurs: www.glotr.uz.

Qonun – O’zbekiston Respublikasining 2019 yil 02 iyuldagi “Shaxsiy ma’lumotlar to’g’risida”gi O’zRQ-547-sonli Qonuni (bundan buyon matnda – “Shaxsiy ma’lumotlar to’g’risidagi Qonun”).

 

2. UMUMIY QOIDALAR

2.1. GLOTR Foydalanuvchilar va Ta’minotchilar o’rtasida vositachi hisoblangan savdo maydoni, Internetda savdo markazi sifatida faoliyat yuritadi.

GLOTR va Foydalanuvchilar o’rtasidagi o’zaro munosabatlar quyidagi manzil bo’yicha joylashgan Foydalanuvchi shartnomasi asosida o’rnatiladi: https://glotr.uz/page/foydalanuvchi-shartnomasi-2/

Foydalanuvchi shartnomasi shartlariga asosan GLOTR Foydalanuvchi shartnomasida belgilangan xizmatlarni taqdim qilish maqsadida Foydalanuvchilar shaxsiy ma’lumotlari ishlanishini amalga oshiradi.

2.2. Siyosat Saytda ro’yxatdan o’tkazish tartib-taomilidan o’tayotgan Foydalanuvchilarning shaxsiy ma’lumotlarini ishlash va himoya qilish tartibini belgilaydi.

Saytda ro’yxatdan o’tkazish boshlanishidan oldin Foydalanuvchi mazkur Siyosat shartlarini o’rganib chiqishi kerak.

Foydalanuvchi mustaqil ravishda tegishli namunaga belgi qo’yish orqali Siyosat shartlariga o’zining to’liq Roziligini bildiradi.

2.3. Siyosat O’zbekiston Respublikasi Konstitutsiyasi, O’zbekiston Respublikasi Fuqarolik kodeksi, O’zbekiston Respublikasining shaxsiy ma’lumotlarni himoya qilish sohasida amaldagi qonun hujjatlariga asosan ishlab chiqilgan.

2.4. Siyosat bekor qilingungacha yoki u yangi tahririga almashtirilgungacha amal qiladi.

Siyosat Saytda Internet axborot-telekommunikatsiya tarmog’ida erkin foydalanish tartibida e’lon qilinadi.

2.5. Mazkur Siyosat maqsadlari:

– shaxsiy ma’lumotlarni ishlashda inson va fuqaro huquqlari va erkinliklarini himoya qilish talablarini, shu jumladan shaxsiy hayot daxlsizligi, shaxsiy va oilaviy sir uchun huquqlarni himoya qilish talablarini ta’minlash;

– Foydalanuvchilarning shaxsiy ma’lumotlariga nisbatan har qanday uchinchi shaxslarning ruxsatsiz harakatlarini (noqonuniy yoki tasodifiy foydalanishni), xuddi shuningdek shaxsiy ma’lumotlar yo’q qilinishi, o’zgartirilishi, blokirovka qilinishi, nusxa ko’chirilishi va tarqatilishini istisno qilish;

– Servislarda Foydalanuvchilarning shaxsiy ma’lumotlari maxfiyligi va nazorat qilinishining huquqiy va normativ rejimini ta’minlash;

– Fuqarolarning shaxsiy sir uchun konstitutsiyaviy huquqlarini, shaxsiy ma’lumotlarni o’z ichiga olgan ma’lumotlar maxfiyligini himoya qilish va Shaxsiy kabinetda ro’yxatdan o’tkazilgan Foydalanuvchilar xavfsizligiga ehtimoliy tahdidlar paydo bo’lishi oldini olish.

2.6. Shaxsiy ma’lumotlarni ishlash tamoyillari:

– shaxsiy ma’lumotlarni ishlash qonuniy va adolatli asosda hamda inson va fuqaroning konstitutsiyaviy huquqlari va erkinliklariga rioya qilingan holda amalga oshirilishi kerak;

– shaxsiy ma’lumotlarni ishlash aniq, oldindan belgilangan va qonuniy maqsadlarga erishish bilan cheklanishi kerak. Shaxsiy ma’lumotlarni to’plash maqsadlariga javob bermaydigan shaxsiy ma’lumotlarni ishlash mumkin emas;

– ishlanayotgan shaxsiy ma’lumotlar mazmuni va hajmi e’lon qilingan ishlash maqsadlariga muvofiq bo’lishi kerak. Ishlanayotgan shaxsiy ma’lumotlar e’lon qilingan ishlash maqsadlariga nisbatan ortiqcha bo’lmasligi kerak;

– shaxsiy ma’lumotlarni ishlashda shaxsiy ma’lumotlarning aniqligi, ularning shaxsiy ma’lumotlarni ishlash maqsadlariga nisbatan yetarliligi va aktualligi ta’minlanishi kerak;

– shaxsiy ma’lumotlarni ishlash va saqlash maxfiy va himoyalangan bo’lishi kerak;

– shaxsiy ma’lumotlarni ishlash sub’ektlar, mulkdorlar va operatorlar huquqlari tengligi tamoyili bo’yicha amalga oshirilishi kerak;

– shaxsiy ma’lumotlarni ishlash shaxs, jamiyat va davlat xavfsizligiga tahdid solmasligi kerak;

– agar shaxsiy ma’lumotlarni saqlash muddati Qonun, Shartnoma, Foydalanuvchi taraflardan biri hisoblangan Shartnoma yoki Foydalanuvchi shartnomasida belgilanmagan bo’lsa, shaxsiy ma’lumotlarni saqlash shaxsiy ma’lumotlarni ishlash maqsadlari talab qiladigan muddatdan uzoq bo’lmagan muddatda amalga oshirilishi kerak.

2.7. GLOTR shaxsiy ma’lumotlarning trans-chegaraviy uzatilishini amalga oshirmaydi.

 

3. FOYDALANUVCHILARNING SHAXSIY MA’LUMOTLARI TARKIBI

3.1. Foydalanuvchi (Saytdan foydalanishda) quyidagi ma’lumotlarni mustaqil ravishda taqdim qiladi:

– Familiyasi, ismi, otasining ismi;

– Tug’ilgan sanasi;

– Uyali telefon raqami;

– Elektron pochta manzili;

– Yetkazib berish manzili.

Foydalanuvchi tomonidan taqdim qilingan barcha axborot bunday axborot GLOTR tomonidan olingan sanada haqiqiy bo’lishi kerak.

3.2. Foydalanuvchi yuridik salohiyatsiz shaxs yoki yuridik salohiyati cheklangan shaxs bo’lgan holatda, Foydalanuvchi nomidan shaxsiy ma’lumotlarni ishlash uchun rozilik uning qonuniy vakili tomonidan beriladi.

Foydalanuvchi voyaga yetmagan shaxs bo’lgan holatda, Foydalanuvchi nomidan shaxsiy ma’lumotlarni ishlash uchun rozilik ota-onalar / vasiylar yoki vasiylik organlari tomonidan beriladi.

Foydalanuvchi vafot etgan holatda, shaxsiy ma’lumotlarni ishlash uchun rozilik merosxo’rlari tomonidan beriladi (agar oldin Foydalanuvchining o’zi tomonidan bunday rozilik berilmagan bo’lsa).

Foydalanuvchi sud tomonidan vafot etgan yoki bedarak yo’qolgan deb e’lon qilingan holatda, shaxsiy ma’lumotlarni ishlash uchun rozilik merosxo’rlari tomonidan beriladi.

3.3. Foydalanuvchi GLOTRga kerakli to’g’ri va aktual Foydalanuvchi axborotini taqdim qiladi.

3.4. Ma’lumotlar olinganidan so’ng GLOTR taqdim qilingan ma’lumotlarni to’liqligi va to’g’riligi yuzasidan tekshiradi, taqdim qilingan ma’lumotlarning aslligi (haqiqiyligi) yuzasidan tekshiradi.

3.5. Avtomatik ravishda to’planadigan ma’lumotlar:

– IP-manzili;

– cookies fayllaridan ma’lumotlar;

– Foydalanuvchi brauzeri to’g’risida axborot, Foydalanuvchi tomonidan ishlatiladigan uskuna va dasturiy ta’minotning texnik tavsiflari;

– saytga kirish sanasi va vaqti, so’ralgan sahifalar manzili va boshqa shunga o’xshash axborot.

 

GLOTR veb-saytlarini ko’rib chiqishda Foydalanuvchi to’g’risida quyidagi egasiz qoldirilgan statistik ma’lumotlarning avtomatik to’planishi (cookiesdan) yuz beradi, shu jumladan:

 

– Servis web-saytida bajarilgan harakat turi (klik, kursorni yo’naltirish va h.k.);

– harakatlar bajarilgan sana va vaqti;

– URL sahifalar;

– Referer;

– IP (statistikada IP-manzillar bilan ishlash imkoniyatisiz);

– User-Agent;

– ClientID (cookie fayli bo’yicha brauzer identifikatori);

– ekran tiniqligi;

– klik yuz beradigan HTML-qism sinfi;

– Sayt interfeysida Foydalanuvchi tomonidan ko’rib chiqiladigan axborot to’g’risida ma’lumotlar;

– Saytda namunalar / murojaatnomalar to’ldirilganligi faktlari to’g’risida ma’lumotlar, shu jumladan ularni to’ldirishdagi xatolar.

 

3.6. Mazkur Siyosatning 3.1-bandida qayd etilgan shaxsiy ma’lumotlar quyidagi maqsadlarda ishlanadi:

– GLOTR majburiyatlari ijrosi doirasida Foydalanuvchilarni identifikatsiyalash;

– GLOTR tomonidan Foydalanuvchi taraflardan biri hisoblangan Foydalanuvchi shartnomasi ijrosining ta’minlanishi.

Shaxsiy ma’lumotlarni ishlash quyidagilar uchun talab qilinadi:

– sub’ekt taraflardan biri hisoblangan shartnomani bajarish yoki bunday shartnoma tuzilgungacha sub’ekt talabnomasi bo’yicha choralar ko’rish uchun;

– qonun hujjatlarida va shartnomada belgilangan mulkdor va (yoki) operator majburiyatlarini bajarish uchun;

– sub’ekt yoki boshqa shaxs manfaatlarini himoya qilish uchun;

– shaxsiy ma’lumotlar majburiy egasiz qoldirilgan sharoitda statistik yoki boshqa tadqiqot maqsadlari uchun.

 

4. SHAXSIY MA’LUMOTLAR MAXFIYLIGI

4.1. Mazkur Siyosatning 3-bo’limida qayd etilgan ma’lumotlar maxfiy hisoblanadi. GLOTR shaxsiy ma’lumotlar maxfiyligini ta’minlaydi.

4.2. Foydalanuvchilarning shaxsiy ma’lumotlarini to’plash, ishlash va saqlashda maxfiylikning barcha chora-tadbirlari qog’oz axborot tashuvchi vositalarga ham, elektron (avtomatizatsiyalangan) axborot tashuvchi vositalarga ham joriy qilinadi.

4.3. Shaxsiy ma’lumotlar egasiz qilib qo’yilgan yoki umumiy foydalanish manbalarida, shu jumladan elektron axborot resurslarida, ommaviy axborot vositalarida, boshqa manbalarda va boshqa ommaviy davlat reestrlarida e’lon qilingan holatlarda shaxsiy ma’lumotlarning maxfiylik rejimi olib tashlanadi.

 

5. FOYDALANUVCHI (SHAXSIY MA’LUMOTLAR SUB’EKTI) HUQUQLARI

5.1. Foydalanuvchi GLOTRdan shaxsiy ma’lumotlari saqlanadigan joy, GLOTRda tegishli shaxsiy ma’lumotlar sub’ektiga doir shaxsiy ma’lumotlar tarkibi to’g’risida ma’lumotlar olishga, shuningdek bunday shaxsiy ma’lumotlar bilan tanishib chiqishga haqli.

5.2. Foydalanuvchi o’z shaxsiy ma’lumotlari to’liqsiz, eskirgan, noaniq bo’lgan, noqonuniy olingan yoki belgilangan ishlash maqsadlari uchun kerakli bo’lmagan holatlarda, GLOTRdan o’z shaxsiy ma’lumotlariga aniqlik kiritilishini, ular blokirovka qilinishini yoki yo’q qilinishini, shuningdek qonunda nazarda tutilgan o’z huquqlarini himoya qilish choralari ko’rilishini talab qilishga haqli.

5.3. Shaxsiy ma’lumotlar mavjudligi to’g’risida ma’lumotlar Saytdan Foydalanuvchiga tegishli shaklda taqdim qilinishi va ularda boshqa shaxsiy ma’lumotlar sub’ektlariga tegishli shaxsiy ma’lumotlar bo’lmasligi kerak.

5.4. Shaxsiy ma’lumotlar sub’ekti yoki uning qonuniy vakili shaxsan murojaat qilgan yoxud yozma shaklda rasmiy talabnoma olingan holatda, GLOTR tomonidan Foydalanuvchiga yoki uning qonuniy vakiliga o’z shaxsiy ma’lumotlaridan foydalanish imkoniyati taqdim qilinadi.

Rasmiy talabnoma Foydalanuvchi yoki uning qonuniy vakili shaxsini tasdiqlovchi asosiy hujjat raqamini, qayd etilgan hujjat berilgan sana va ushbu hujjatni bergan organ to’g’risidagi ma’lumotlarni hamda Foydalanuvchi yoki uning qonuniy vakili o’z imzosini o’z ichiga olishi kerak. Rasmiy talabnoma elektron shaklda yuborilishi mumkin.

5.5. Foydalanuvchi GLOTRga shaxsan murojaat qilgan yoxud GLOTR tomonidan Foydalanuvchidan yozma shaklda rasmiy talabnoma olingan holatda, GLOTRdan quyidagi o’z shaxsiy ma’lumotlarini ishlashga tegishli axborotni, shu jumladan quyidagilarni o’z ichiga olgan axborotni olishga haqli:

- GLOTR tomonidan shaxsiy ma’lumotlar ishlanganligi faktining tasdiqlanishi, shuningdek bunday shaxsiy ma’lumotlar ishlanishidan maqsad;

- GLOTR tomonidan qo’llaniladigan shaxsiy ma’lumotlarni ishlash usullari;

- GLOTR nomi va joylashgan manzili, shaxsiy ma’lumotlardan foydalanish huquqiga ega bo’lgan yoki bunday foydalanish huquqi taqdim qilinishi mumkin bo’lgan shaxslar to’g’risida ma’lumotlar;

- ishlanadigan shaxsiy ma’lumotlar ro’yxati va ularni olish manbai;

- shaxsiy ma’lumotlarni ishlash muddatlari, shu jumladan ularni saqlash muddatlari;

- shaxsiy ma’lumotlar sub’ekti uchun uning shaxsiy ma’lumotlarini ishlash qanday yuridik oqibatlarga olib kelishi mumkinligi to’g’risida ma’lumotlar.

Foydalanuvchining GLOTRdan uning shaxsiy ma’lumotlarini ishlashga tegishli axborot olish uchun huquqi bunday axborot taqdim qilinishi boshqa shaxslarning huquqlari va qonuniy manfaatlarini buzadigan holatlarda cheklanishi mumkin.

5.6. Shaxsiy ma’lumotlar sub’ekti shaxsiy ma’lumotlarini ishlashga roziligini qaytarib olishga, shaxsiy ma’lumotlarini ishlash usullari va shakllarini cheklashga, uning roziligisiz shaxsiy ma’lumotlari tarqatilishini taqiqlashga haqli.

5.7. Shaxsiy ma’lumotlar sub’ekti GLOTR harakati yoki harakatsizligi yuzasidan Shaxsiy ma’lumotlar sub’ekti huquqlarini himoyalash bo’yicha vakolatli organga yoki sud tartibida shikoyat arizasi berishga haqli.

5.8. Shaxsiy ma’lumotlar sub’ekti o’z huquqlari va qonuniy manfaatlarini himoya qilishga, shu jumladan sud tartibida zararlar o’rnini to’ldirish va ma’naviy ziyonni kompensatsiya qilishga haqli.

 

6. SHAXSIY MA’LUMOTLARNI ISHLASH

6.1. Shaxsiy ma’lumotlarni ishlash GLOTR tomonidan faqat mazkur Siyosat, Foydalanuvchi bilan tuzilgan shartnomalarda va GLOTR ichki reglamentlarida belgilangan maqsadlarga erishish uchun amalga oshiriladi.

6.2. GLOTR tomonidan shaxsiy ma’lumotlarning ishlanishi quyidagilardan iborat:

– shaxsiy ma’lumotlarni to’plash, saqlash, aniqlik kiritish (yangilash, o’zgartirish), uzatish (tarqatish, taqdim qilish, foydalanish imkoniyatini yaratish), egasiz qoldirish, blokirovka qilish, yo’q qilish va ruxsatsiz foydalanishdan himoya qilish.

6.3. Shaxsiy ma’lumotlarni ishlash quyidagi ravishda amalga oshiriladi:

– aralash (shu jumladan avtomatlashtirilgan) ishlash usuli yordamida.

 

7. SHAXSIY MA’LUMOTLARNI O’ZGARTIRISH VA ULARGA ANIQLIK KIRITISH

7.1. Shaxsiy ma’lumotlarni o’zgartirish va to’ldirish GLOTR tomonidan sub’ekt yoki uning qonuniy vakili murojaati asosida yoki qonun hujjatlarida nazarda tutilgan boshqa holatlarda amalga oshiriladi.

7.2. Shaxsiy ma’lumotlarni o’zgartirish va to’ldirish GLOTR tomonidan sub’ekt murojaat qilgan paytdan e’tiboran 3 (uch) kundan kechikmay amalga oshiriladi.

7.3. Haqiqatga muvofiq bo’lmagan shaxsiy ma’lumotlarni o’zgartirish va to’ldirish bunday nomuvofiqlik aniqlangan paytdan kechiktirmay amalga oshiriladi.

7.4. GLOTR Shaxsiy ma’lumotlar sub’ekti yoki uning qonuniy vakilini va ushbu sub’ektning shaxsiy ma’lumotlari uzatilgan uchinchi shaxslarni kiritilgan o’zgartishlar va amalga oshirilgan chora-tadbirlar to’g’risida xabardor qilishi shart.

7.5. Shaxsiy ma’lumotlarni yo’q qilish deyilganida, shaxsiy ma’lumotlar mazmunini tiklash mumkin bo’lmaydigan holatga olib keladigan harakat tushuniladi. Shaxsiy ma’lumotlarni yo’q qilish jarayonida shaxsiy ma’lumotlarning moddiy tashuvchilari yo’q qilinadi.

7.6. Shaxsiy ma’lumotlar sub’ekti yozma shaklda o’z shaxsiy ma’lumotlari yo’q qilinishini talab qilishga haqli.

7.7. Shaxsiy ma’lumotlar sub’ekti tegishlicha murojaat qilgan holatda, GLOTR Shaxsiy ma’lumotlar sub’ekti yoki uning qonuniy vakili tomonidan tegishli sub’ektga daxldor va GLOTR tomonidan ishlanayotgan shaxsiy ma’lumotlar to’liqsiz, eskirgan, noto’g’ri, noqonuniy olinganligini yoki e’lon qilingan shaxsiy ma’lumotlarni ishlash maqsadlari uchun kerakli emasligini tasdiqlovchi ma’lumotlar taqdim qilinganidan so’ng shaxsiy ma’lumotlarga kerakli o’zgartishlar kiritishi, ularni yo’q qilishi shart.

7.8. GLOTR Foydalanuvchining shaxsiy ma’lumotlarini Foydalanuvchidan tegishli yozma shaklda talabnoma olingan sanadan e’tiboran navbatdagi ish kunidan kechikmay yo’q qiladi.

7.9. Shaxsiy ma’lumotlarni yo’q qilish sertifikatlangan dasturiy ta’minotdan foydalanilgan holda kafolatlangan yo’q qilish bilan axborot o’chirilishi orqali amalga oshiriladi.

7.10. Shaxsiy ma’lumotlarni yo’q qilish imkoniyati bo’lmagan holatda, GLOTR bunday shaxsiy ma’lumotlarning blokirovka qilinishini amalga oshiradi.

7.11. GLOTRga Foydalanuvchi shaxsiy ma’lumotlar bo’yicha aktual axborotni yo’q qilish to’g’risida yozma shaklda talabnoma bilan murojaat qilgan holatda, GLOTR Foydalanuvchining shaxsiy ma’lumotlari ishlanishini to’xtatadi, saqlash va blokirovka qilish operatsiyalari bundan mustasno.

7.12. Bunda, Foydalanuvchi tegishli ariza yuborilgan paytdan e’tiboran Saytdan ularning maqsadli vazifasiga asosan foydalanish mumkin bo’lmasligini yoki bunday foydalanish imkoniyatlari cheklanishini e’tirof qiladi va bunga rozilik bildiradi.

 

8. SHAXSIY MA’LUMOTLARNI BLOKIROVKA QILISH

8.1. Shaxsiy ma’lumotlarni blokirovka qilish deyilganida, Foydalanuvchi tomonidan ishlanayotgan ma’lumotlar noto’g’riligi yoki shaxsiy ma’lumotlar sub’ektining fikricha, uning ma’lumotlariga nisbatan noqonuniy xatti-harakatlar aniqlangan holatda Foydalanuvchi talabnomasi asosida GLOTR tomonidan shaxsiy ma’lumotlarni ishlash bo’yicha operatsiyalar vaqtincha to’xtatilishi tushuniladi.

8.2. Saytda shaxsiy ma’lumotlarni blokirovka qilish shaxsiy ma’lumotlar sub’ektidan olingan yozma shakldagi ariza asosida amalga oshiriladi.

8.3. Bunda, Foydalanuvchi shaxsiy ma’lumotlarni blokirovka qilish to’g’risida ariza yuborilgan paytdan e’tiboran Saytdan ularning maqsadli vazifasiga asosan foydalanish mumkin bo’lmasligini yoki bunday foydalanish imkoniyatlari cheklanishini e’tirof qiladi va bunga rozilik bildiradi.

 

9. SHAXSIY MA’LUMOTLARNI UZATISH

9.1. Shaxsiy ma’lumotlar uchinchi shaxslarga quyidagi holatlarda uzatilishi mumkin:

9.1.1. Foydalanuvchi bunday harakatlarga o’zining bevosita roziligini bildirgan holatda;

9.1.2. Shaxsiy ma’lumotlarni uzatish Saytning muayyan qismi / bo’limidan foydalanish uchun talab qilingan holatda.

9.2. GLOTR tomonidan shaxsiy ma’lumotlar uzatilishi, tarqatilishi shaxsiy ma’lumotlar sub’ektining (Foydalanuvchining) Ofertani aktseptlashda beradigan shaxsiy ma’lumotlar uzatilishi uchun roziligi asosida amalga oshiriladi.

9.3. GLOTR o’z ixtiyoriga ko’ra, Foydalanuvchilarning oldindan roziligisiz marketing va boshqa tadqiqotlar o’tkazish uchun ma’lumotlar soxtalashtirilganidan so’ng anonim, agregatsiyalangan ma’lumotlardan, shuningdek shaxsiy ma’lumotlarga tegishli bo’lmagan, reklama, shu jumladan chet tashkilotlar Foydalanuvchiga uzatilishini ta’minlash imkonini beradigan aktual va/yoki Foydalanuvchiga qiziqarli bo’lishi mumkin bo’lgan boshqa ma’lumotlardan uchinchi shaxslarga cheklangan foydalanish imkoniyatini taqdim qilishi mumkin.

9.4. Davlat organlariga shaxsiy ma’lumotlar uzatilishi O’zbekiston Respublikasi qonun hujjatlariga asosan ularning vakolatlari doirasida amalga oshiriladi.

9.5. Quyidagi holatlarda sub’ektni yozma shaklda xabardor qilish amalga oshirilmaydi va rozilik talab qilinmaydi:

– davlat organlari tomonidan o’z vakolatlari amalga oshirilishi;

– tarixiy, statistik, sotsiologik yoki ilmiy maqsadlarda shaxsiy ma’lumotlar ishlash uchun uzatilishi;

– umumiy foydalaniladigan manbalardan shaxsiy ma’lumotlar to’planishi.

9.6. Tarixiy, statistik, sotsiologik, ilmiy tadqiqotlar o’tkazilishi uchun shaxsiy ma’lumotlarni ishlashda GLOTR ularni egasiz qoldirishi shart.

 

10. SHAXSIY MA’LUMOTLARNI SAQLASH

10.1. Foydalanuvchilarning shaxsiy ma’lumotlari O’zbekiston Respublikasi hududida elektron shaklda saqlanadi.

10.2. Foydalanuvchilarning shaxsiy ma’lumotlarini saqlash, agar shaxsiy ma’lumotlarni saqlash boshqa muddati qonunda, Foydalanuvchi shartnomasida belgilanmagan bo’lsa, shaxsiy ma’lumotlarni ishlash maqsadlari uchun talab qilanadigan muddatdan uzoq bo’lmagan muddatda amalga oshiriladi.

 

11. FOYDALANUVCHILARNING SHAXSIY MA’LUMOTLARINI HIMOYA QILISH

11.1. GLOTR Foydalanuvchilarning shaxsiy ma’lumotlarini ishlashda shaxsiy ma’lumotlarni himoya qilish uchun kerakli quyidagilarni ta’minlaydigan tashkiliy va texnik choralar ko’radi:

– Foydalanuvchining shaxsiy hayotiga aralashuvdan himoya qilish uchun uning huquqlarini realizatsiya qilish;

– shaxsiy ma’lumotlarning butunligi va tegishlicha saqlanishi;

– shaxsiy ma’lumotlar maxfiyligiga rioya qilish;

– shaxsiy ma’lumotlarni noqonuniy ishlash oldini olish.

Shaxsiy ma’lumotlar himoya qilinishini ta’minlash maqsadida GLOTR quyidagilarni amalga oshirishi shart:

– shaxsiy ma’lumotlarni umumiy foydalaniladigan va maxfiy ma’lumotlarga ajratish;

– shaxsiy ma’lumotlarni ishlash va ulardan foydalanish tartibini belgilash;

– shaxsiy ma’lumotlarni ishlash va ulardan foydalanish huquqiga ega shaxslarni aniqlash;

– axborotni himoya qilish va shaxsiy ma’lumotlarni ishlash va ulardan foydalanish huquqini cheklash texnik vositalari dasturiy ta’minotini yangilash vositalari o’rnatilishini ta’minlash;

– ma’lumotlar bazalarini boshqarish tizimlari hodisalari jurnalini yuritish;

– foydalanish cheklangan shaxsiy ma’lumotlardan foydalanish huquqiga ega Foydalanuvchilar harakatlari qayd etilishini ta’minlash;

– foydalanish cheklangan shaxsiy ma’lumotlar butunligini nazorat qilish vositalaridan foydalanish;

– Foydalanuvchining roziligi bilan shaxsiy ma’lumotlarni himoyalangan aloqa kanallari va (yoki) shifrlash vositalari orqali taqdim qilish, qonun hujjatlarida nazarda tutilgan holatlar bundan mustasno;

– foydalanish cheklangan shaxsiy ma’lumotlarni xavfsiz saqlash uchun axborotni kriptografik himoya qilish vositalaridan foydalanishni ta’minlash;

– foydalanish cheklangan shaxsiy ma’lumotlar bilan ishlashda Foydalanuvchilarni identifikatsiyalash va (yoki) autentifikatsiyalash vositalaridan foydalanish;

– agar Foydalanuvchi va (yoki) GLOTR yuridik shaxs bo’lsa, shaxsiy ma’lumotlar ishlanishini tashkillashtiradigan vakolatli shaxsni tayinlash yoki tarkibiy bo’linmani tashkil qilish;

– shaxsiy ma’lumotlarni ishlash va himoya qilish bo’yicha GLOTR siyosatini belgilaydigan ichki hujjatlarni tasdiqlash;

– shaxsiy ma’lumotlar Foydalanuvchisi talabnomasi asosida shaxsiy ma’lumotlarni blokirovka qilish, yo’q qilish tartibini belgilash.

 

12. YAKUNIY QOIDALAR

12.1. O’zbekiston Respublikasining amaldagi qonun hujjatlari o’zgargan, shaxsiy ma’lumotlarni himoya qilish bo’yicha normativ hujjatlarga o’zgartirishlar kiritilgan holatda, Siyosat bunday o’zgartirishlar bilan muvofiqlashtirilgungacha amaldagi qonun hujjatlariga zid bo’lmagan qismida amal qiladi.

12.2. Siyosat shartlari GLOTR tomonidan bir tomonlama tartibda Foydalanuvchi oldindan xabardor qilinmagan holda belgilanadi, o’zgartiriladi va bekor qilinadi. Yangi tahrirdagi Siyosat Saytda joylashtirilgan paytdan e’tiboran oldingi tahriri o’z kuchini yo’qotgan hisoblanadi. Siyosat shartlari jiddiy o’zgargan holatda GLOTR bu haqda tegishli xabarnomani Saytda e’lon qilish orqali Foydalanuvchilarni xabardor qiladi.