SAYTDA AXBOROTNI JOYLASHTIRISH BO’YICHA XIZMATLAR KO’RSATISH TO’G’RISIDA SHARTNOMANING NAMUNALI SHARTLARI (BUNDAN BUYON MATNDA – “NAMUNALI SHARTLAR”)

 

O’zbekiston Respublikasi, Toshkent shahar 

Versiya raqami: 1.0     «01» yanvar 2025 y.  

 

1. ATAMALAR VA TA’RIFLAR

1.1. Namunali shartlar maqsadlarida quyida keltirilgan atamalar quyidagicha ma’nolarda foydalaniladi:

OPERATOR	O’zbekiston Respublikasining qonun hujjatlariga asosan Sayt uchun mulkiy huquqlarga ega «WEB MEDIA GROUP» Mas’uliyati cheklangan jamiyati.
OPERATOR SAYTI	Operator tomonidan www.glotr.uz va (yoki) www.gl.uz manzili bo’yicha Internet tarmog’ida joylashtirilgan, Mijozga Namunali shartlar asosida Shartnomaga muvofiq harakatlarni amalga oshirish uchun shaxsiy kabinetdan foydalanish imkonini beradigan umumiy foydalanish uchun ochilgan internet-resurs.
MIJOZ	Sayt orqali o’z faoliyatini amalga oshirish uchun Operator xizmatlaridan foydalanadigan yuridik shaxs. Mijoz Foydalanuvchilardan realizatsiya qilinadigan tovarlar (xizmatlar / ishlar) uchun pul mablag’larini olish maqsadida Saytda axborotni joylashtirishi yoki tovarlar realizatsiya qilinishi bilan bog’liq bo’lmagan o’z faoliyatini amalga oshirish uchun Saytning boshqa imkoniyatlaridan foydalanishi mumkin.
MIJOZ AXBOROTI / AXBOROT	Mijozning realizatsiya qilinadigan tovarlari (xizmatlari / ishlari), shu jumladan Mijoz Sahifasida joylashtirilgan Mijozning rekvizitlari, manzillari va boshqa ma’lumotlari to’g’risida axborot. Bunday axborotga talablar E’lon qilish qoidalarida belgilangan (Namunali shartlarga 3-sonli Ilova).
MIJOZ SAHIFASI / SAHIFA	Mijoz axborotini e’lon qilish uchun Saytda Mijoz tomonidan tashkil qilinadigan maxsus sahifa. Mijoz Sahifasi ochiq hisoblanadi va unda e’lon qilingan axborotdan barcha Foydalanuvchilar cheklanishlarsiz foydalanishlari mumkin.
MIJOZNING SHAXSIY KABINETI/ SHAXSIY KABINET	Mijoz Sahifasida Mijoz axborotni tahrir qilish, Shaxsiy hisobvarag’i balansini tekshirish, shartlar va narxlarga asosan Xizmatlarni xarid qilish va Shaxsiy kabinet funktsionalida nazarda tutilgan boshqa harakatlarni amalga oshirish imkoniga ega bo’ladigan Mijozning shaxsiy kabineti.
MIJOZNING SHAXSIY HISOBVARAG’I / SHAXSIY HISOBVARAQ	Shaxsiy kabinet orqali Xizmatlar xarid qilish maqsadida Mijoz tomonidan yuborilgan pul mablag’lari tushadigan hisobvaraq.
FOYDALANUVCHI	Saytdan foydalanuvchi va Mijozdan tovarlar (xizmatlar / ishlar) xarid qilishni amalga oshiradigan jismoniy shaxs.
ID-RAQAMI	Har bir Mijozning identifikatsiyalash tartib raqami, u Mijoz Operator Saytida ro’yxatdan o’tkazilganidan so’ng avtomatik ravishda tizim tomonidan belgilanadi va Mijozning shaxsiy kabinetida aks ettiriladi.

1.2. Namunali shartlarda mazkur Namunali shartlarning 1.1-bandida belgilanmagan atamalar va ta’riflardan foydalanilishi mumkin. Bunday holatda, bunday atama va ta’rifni talqin qilish Namunali shartlar matniga asosan amalga oshiriladi. Namunali shartlar matnida atama va ta’rif bir xil talqin qilinmagan holatda, birinchi navbatda – O’zbekiston Respublikasi qonun hujjatlarida, ikkinchi navbatda – Saytda belgilangan, so’ngra esa – Internet tarmog’ida e’tirof qilingan (umumiy ishlatiladigan) atama va ta’rif talqiniga amal qilish kerak.

 

2. SHARTNOMA PREDMETI

2.1. Operator Saytda Mijoz axborotini joylashtirish va tarqatish bo’yicha xizmatlar (bundan buyon matnda – “Xizmat(lar)”) ko’rsatish bo’yicha o’ziga majburiyatlar oladi, Mijoz esa Namunali shartlar va Saytda axborotni joylashtirish bo’yicha xizmatlar ko’rsatish to’g’risida shartnomada nazarda tutilgan muddatlar va shartlarda ko’rsatilgan Xizmatlarni qabul qilish va to’lash majburiyatini oladi.

2.2. Namunali shartlar asosida Taraflar o’rtasida Saytda axborotni joylashtirish bo’yicha xizmatlar ko’rsatish to’g’risida shartnoma (bundan buyon matnda – “Shartnoma”) tuziladi, uning shartlari Namunali shartlarda Shartnoma doirasida Operator tomonidan taqdim qilinadigan Xizmatlarga joriy etiladi.

2.3. Xizmatlarni taqdim qilish shartlari, tartibi va ular uchun hisob-kitoblar Namunali shartlarning 4-bo’limida va Shartnomaning 2-bo’limida belgilangan.

 

3. TARAFLAR HUQUQLARI VA MAJBURIYATLARI

3.1. Operator quyidagi majburiyatlarni oladi:

3.1.1. Mijozni Sayt va Shaxsiy kabinet funktsionalidan foydalanish uchun kerakli axborot bilan ta’minlash, shuningdek Sayt va Shaxsiy kabinetdan foydalanish bilan bog’liq harakatlarni amalga oshirishda Mijozga texnik qo’llab-quvvatlashni va yordamni taqdim qilish.

3.1.2. O’z yuridik manzili va (yoki) bank rekvizitlari o’zgargan holatda, bu haqda Mijozni kerakli hujjatlar ilova qilingan holda yozma shaklda yoki elektron pochta orqali uch kunlik muddatda xabardor qilish.

3.1.3. Har oyda hisobot davri tugaganidan so’ng 10 (o’n) ish kuni mobaynida Operator tomonidan imzolangan elektron shaklda bajarilgan ishlar Dalolatnomasini tuzish va Mijozga taqdim qilish. Elektron hujjat aylanish tizimlaridan foydalanilgan holatda, bajarilgan ishlar Dalolatnomasi bunday tizim orqali belgilangan imzolash tartib-taomillariga rioya qilingan holda taqdim qilinadi.

3.2. Operator quyidagilarga haqli:

3.2.1. Mijozdan Namunali shartlar asosida Shartnoma bo’yicha Mijoz tomonidan o’ziga olgan barcha majburiyatlar tegishlicha va so’zsiz bajarilishini talab qilish;

3.2.2. Mijoz faoliyatida, Operatorning fikricha, katta moliyaviy zararlarga olib kelishi yoki Operator uchun obro’-e’tibor xavf-xatarlarini yuzaga keltirishi mumkin bo’lgan vaziyatlar aniqlangan, shuningdek Mijoz tomonidan Namunali shartlarda nazarda tutilgan majburiyatlar buzilgan holatda yoki O’zbekiston Respublikasining qonun hujjatlari buzilishidan dalolat beruvchi faktlar aniqlangan holatda xizmatlar ko’rsatishni to’xtatib qo’yish. Bu haqda Mijozga elektron pochta orqali yozma shaklda xabarnoma yuboriladi. O’zaro munosabatning to’xtatib qo’yilishi xabarnoma yuborilgan paytdan e’tiboran yoki xabarnomada qayd etilgan sanadan e’tiboran kuchga kiradi;

3.2.3. Agar Operator fikricha, Mijoz tomonidan Shartnoma bo’yicha o’z majburiyatlari tegishlicha bajarilishiga ta’sir etishi mumkin bo’lsa, Mijozdan uning faoliyati to’g’risida axborotni talab qilib olish. Mijoz bunday axborotni so’rovnomada qayd etilgan oqilona muddatlarda taqdim qilish majburiyatini oladi.

3.2.4. Namunali shartlarga bir tomonlama tartibda o’zgartishlar va (yoki) qo’shimchalar kiritish. Mijoz ushbu o’zgarishlarga rozi bo’lmagan holatda, u bir tomonlama tartibda Shartnomani bekor qilishga haqli.

3.2.5. Mijoz tomonidan Shartnoma bo’yicha o’z majburiyatlari tegishlicha bajarilmagan holatda, shuningdek rejali profilaktik ishlarni bajarish vaqtida Mijozning Sayt va Shaxsiy kabinetdan foydalanish huquqini cheklash yoki to’xtatib qo’yish. Operator Mijozni bunday cheklash yoki to’xtatib qo’yish to’g’risida foydalanish huquqini cheklash yoki to’xtatib qo’yish bilan bog’liq harakatlar boshlangungacha eng kamida 1 (bir) kun oldin xabardor qilish majburiyatini oladi.

3.2.6. Mijoz tomonidan taqdim qilingan axborot Namunali shartlar va E’lon qilish qoidalariga javob bermagan holatda yoxud ushbu axborot Operator yoki uchinchi shaxslar obro’-e’tiboriga zarar yetkazishi mumkin bo’lgan holatda, Mijoz tomonidan taqdim qilingan bunday axborotni (tovarlar, xizmatlar, yangiliklar, maqolalar va h.k.) e’lon qilishni rad etish;

3.2.7. Mijozni Shartnoma bo’yicha xizmatlar bajarilishiga ta’sir etishi mumkin bo’lgan Sayt ishidagi har qanday to’xtalishlar to’g’risida xabardor qilish, ushbu to’xtalishlarni bartaraf qilish taxminiy muddatlarini ko’rsatish.

3.3. Mijoz quyidagi majburiyatlarni oladi:

3.3.1. Operatorga o’zi haqida va realizatsiya qilinadigan tovarlar (xizmatlar / ishlar) to’g’risidagi to’g’ri axborotni, shuningdek Namunali shartlarga 1-sonli Ilovada belgilangan hujjatlarni taqdim qilish. Mijoz Shartnomaning butun amal qilish muddati davomida taqdim qilingan axborotning aktualligini ta’minlashi shart;

3.3.2. Operator tomonidan xizmatlar ko’rsatilganligi uchun to’lovni Namunali shartlarning 4-bo’limida va Shartnomaning 2-bo’limida belgilangan miqdorlarda va tartibda amalga oshirish;

3.3.3. Ko’rsatilgan xizmatlar sifatiga e’tirozlar yuzaga kelgan holatda, Mijoz mazkur bandda belgilangan muddat mobaynida Operatorga asoslangan rad javobi bilan yozma shaklda xabarnoma yuborishi shart. Shikoyat xati olinganidan so’ng yuzaga kelgan kelishmovchiliklarni hal qilish uchun har ikki Taraf vakillaridan komissiya tuziladi. Komissiya qarori dalolatnoma bilan rasmiylashtiriladi, ushbu qaror har ikki Taraf tomonidan ijro uchun majburiy hisoblanadi;

3.3.4. Kelishuvga erishilmagan holatda, nizolar Namunali shartlarga asosan hal qilinadi. Bajarilgan ishlar Dalolatnomasi yuborilgan paytdan e’tiboran 10 (o’n) ish kuni mobaynida imzolangan bajarilgan ishlar Dalolatnomasi yoki Mijozning ko’rsatilgan Xizmatlar bo’yicha e’tirozlari to’g’risida sabablari asoslangan xabarnoma Operator tomonidan olinmagan holatda, bu ko’rsatilgan Xizmatlar Mijoz tomonidan to’liq hajmda qabul qilingan sifatida baholanadi;

3.3.5. Taraflar tomonidan Shartnoma ijrosiga ta’sir etishi mumkin bo’lgan har qanday o’zgarishlar, shu jumladan nomi, yuridik va amaliy manzili, bank rekvizitlari, Elektron hujjat aylanish tizimlari operatori nomi, internet-sayt nomi, realizatsiya qilinadigan tovarlar (xizmatlar, ishlar) ro’yxatidagi o’zgarishlar to’g’risida 3 (uch) ish kuni mobaynida Operatorni yozma shaklda xabardor qilish;

3.3.6. O’zbekiston Respublikasining elektron tijorat sohasidagi faoliyatni tartibga soluvchi qonun hujjatlari va normativ hujjatlari talablariga, savdo qoidalariga, xizmat ko’rsatish qoidalariga, shuningdek iste’molchilar huquqlarini himoya qiladigan normativ hujjatlarga rioya qilish. Taqiqlangan tovarlar (xizmatlar / ishlar) realizatsiya qilinishini amalga oshirmaslik;

3.3.8. Uchinchi shaxslarga Shaxsiy kabinetga kirish uchun ma’lumotlarni bermaslik va uchinchi shaxslarga Shaxsiy kabinetdan foydalanish huquqini taqdim qilmaslik;

3.3.9. Shaxsiy kabinetga kirish uchun ma’lumotlar oshkor qilinganligiga shubha paydo bo’lgan holatda, darhol ularni o’zgartirish va yuz bergan holat to’g’risida Operatorni xabardor qilish;

3.3.10. Sayt Foydalanuvchilariga reklama, tijorat yoki targ’ibot xususiyatli elektron xatlar yuborilishini amalga oshirmaslik, shuningdek qo’pol va haqoratli so’zlarni o’z ichiga olgan materiallarni tarqatmaslik;

3.3.11. Sayt infratuzilmasiga noproportsional yuqori yuklamaga olib kelishi mumkin bo’lgan harakatlarni amalga oshirmaslik;

3.3.12. Sayt va undan Foydalanuvchilar ishiga to’sqinliklar yaratmaslik, viruslarni tarqatmaslik, ma’lumotlarni buzmaslik, takrorlanuvchi xabarlar ommaviy tarqatilishini amalga oshirmaslik va Sayt serverini ishdagi to’xtalishlarga olib kelishi mumkin bo’lgan so’rovnomalar bilan ortiqcha yuklamaslik;

3.3.13. Saytdan me’yoriy maqsadli foydalanish doirasidan chiqadigan, uning ishidagi to’xtalishlarga olib kelishi mumkin bo’lgan harakatlarni amalga oshirmaslik;

3.3.14. Operatorning oldindan yozma shakldagi roziligisiz Saytdagi materiallardan nusxa ko’chirish, namoyish qilish, o’zgartirish, tarqatish, taqdim qilish yoki foydalanish kabi harakatlarni amalga oshirmaslik, Mijozning o’zi tomonidan taqdim qilingan axborot bundan mustasno;

3.3.15. Operator tomonidan Saytni boshqarish uchun foydalaniladigan avtomatik tizimlar va jarayonlar ishiga to’sqinlik qilmaslik va Saytga kirishni cheklashga urinmaslik;

3.3.16. Foydalanuvchilarning tovarlar (xizmatlar / ishlar)ga izohlarini o’zgartirmaslik va Mijoz Sahifasi reytingiga tuzatish kiritmaslik va h.k. harakatlarni amalga oshirmaslik.

3.4. Mijoz quyidagilarga haqli:

3.4.1. Operatordan Shartnoma va Namunali shartlar bo’yicha nazarda tutilgan majburiyatlarning so’zsiz bajarilishini talab qilish;

3.4.2. E’lon qilish qoidalari va O’zbekiston Respublikasining qonun hujjatlariga rioya qilingan holda Saytda Mijoz axborotini e’lon qilish;

3.4.3. Operator o’zgartishlarni kiritish paytigacha 3 (uch) ish kunidan kechikmay xabardor qilingan holatda, Mijozning oldin e’lon qilingan axborotiga o’zgartishlar kiritish;

3.4.4. Sayt ishlashi bilan bog’liq masalalar bo’yicha shikoyatlar yoki e’tirozlarni Operator manziliga Shartnomada qayd etilgan elektron manzil bo’yicha yuborish.

 3.5. Mijoz quyidagilarni tasdiqlaydi va kafolatlaydi:

 3.5.1. O’zbekiston Respublikasining qonun hujjatlariga asosan ta’sis qilingan va faoliyat yurituvchi yuridik shaxs hisoblanadi hamda Shartnomani tuzish paytida uning faoliyati cheklanmagan yoki to’xtatib qo’yilmagan;

3.5.2.  Mazkur Namunali shartlarga asosan Shartnoma tuzish va Shartnoma bo’yicha majburiyatlarni bajarish uchun barcha kerakli huquqlarga, litsenziyalarga va vakolatlarga ega;

3.5.3.  Mijoz nomidan mazkur Shartnomani imzolagan shaxs Shartnoma tuzish va Shartnoma bo’yicha majburiyatlarni bajarish uchun ta’sis hujjatlari yoki vakolatnoma bilan tasdiqlangan to’liq yuridik salohiyatga va tegishli vakolatlarga ega shaxs hisoblanadi;

3.5.4.  Operator bilan tuzilgan Shartnoma O’zbekiston Respublikasining amaldagi qonun hujjatlari qoidalariga va Shartnoma shartlariga asosan Mijoz tomonidan ijro uchun majburiy hisoblanadi;

3.5.5.  Shartnoma imzolangan paytgacha Mijoz tomonidan taqdim qilingan barcha axborot to’g’ri, to’liq va aktual hisoblanadi.

 

4. XIZMATLAR QIYMATI VA HISOB-KITOBLAR TARTIBI

4.1. Operator Xizmatlari qiymati Mijozning shaxsiy kabinetida Operator tomonidan belgilanadi.

4.2. Haq to’lashni hisob-kitob qilish tartibi Shartnomada aniqlanadi va belgilanadi.

4.3. Operator Hisobot davri tugagan sanadan e’tiboran 10 (o’n) ish kunidan kechikmay bajarilgan ishlar Dalolatnomasini va hisobvaraq-fakturani elektron shaklda tuzadi. Elektron hisobvaraqlar-fakturalar va bajarilgan ishlar Dalolatnomasi Mijozga yozma shaklda yoki elektron hujjat aylanish operatori tizimi orqali taqdim qilinadi. Mijoz Operatordan bajarilgan ishlar Dalolatnomasi va hisobvaraq-faktura olingan paytdan e’tiboran 10 (o’n) ish kuni mobaynida yozma shaklda yoki elektron hujjat aylanish operatori tizimi orqali taqdim qilingan hujjatlarni imzolash majburiyatini oladi.

4.4. Xizmatlar olish maqsadida Mijoz Operatorning hisob-kitob hisobvarag’iga 100% oldindan to’lov shaklida Mijozning shaxsiy kabinetida nazarda tutilgan miqdorda pul mablag’larini o’tkazish orqali Shaxsiy hisobvarag’ini to’ldirishi kerak.

4.5. Shartnomaning 3-bo’limida belgilangan shartlarda Shartnoma bekor qilingan holatda, Shaxsiy hisobvarag’idagi pul mablag’lari qoldig’i Mijozga qaytariladi.

4.6. Xizmatlar faollashtirilgan holatda, Xizmatlar to’lovi hisobiga chegirib olingan pul mablag’lari qaytarilmaydi.

4.7. Mijoz Saytda 3 (uch) oy mobaynida faol bo’lmagan holatda, Operator har kuni Mijozning Shaxsiy hisobvarag’idan Mijoz Sahifasi va Shaxsiy kabinetni ta’minlash uchun to’lovni chegirib olishga haqli. Nol (0 so’m) balansga yetgan holatda, Operator Mijoz Sahifasini, Shaxsiy kabinetni olib tashlashga va Shartnomani bir tomonlama tartibda bekor qilishga haqli.

4.8. Operator balans yetarlicha bo’lmagan yoki Mijozning Shaxsiy hisobvarag’idagi pul mablag’lari nol qoldig’i holatida, Mijozga bir oy muddatga bir marta Xizmat olish imkonini taqdim qiladi. Bunda, Mijozning umumiy salbiy balansi Xizmatlar summasining 50 foizi va undan ko’proq foizidan oshishi mumkin emas.

 

5. TARAFLAR JAVOBGARLIGI VA NIZOLARNI HAL QILISH TARTIBI

 5.1. Taraflar Shartnoma bo’yicha o’z majburiyatlari bajarilmaganligi yoki tegishlicha bajarilmaganligi uchun mazkur Namunali shartlarga hamda O’zbekiston Respublikasining amaldagi qonun hujjatlariga va Shartnoma shartlariga asosan javobgar bo’ladilar.

 5.2. Operator Foydalanuvchilar oldida Mijoz tomonidan o’z majburiyatlari bajarilmaganligi yoki tegishlicha bajarilmaganligi uchun javobgar bo’lmaydi.

 5.3. Mazkur Namunali shartlarni bajarish masalalari bo’yicha kelishmovchiliklar yuzaga kelgan holatda, Taraflar ularni muzokaralar orqali hal qilish bo’yicha barcha choralarni ko’radilar.

 5.4. Mijoz tomonidan Shartnomani tuzishda taqdim qilingan barcha ma’lumotlar to’g’ri va aktual bo’lishi kerak. Operator unga Mijoz tomonidan taqdim qilinadigan ma’lumotlarning to’g’riligi, aktualligi va to’liqligi uchun javobgar bo’lmaydi. Operator noto’g’ri yoki aktual bo’lmagan ma’lumotlardan foydalanish tufayli yuzaga kelgan salbiy oqibatlar uchun javobgar bo’lmaydi.

 5.5. Operator Platformaning uzluksiz ishlashini kafolatlamaydi, chunki Platforma ishiga Operator nazoratidan tashqari muayyan omillar ta’sir etishi (to’sqinlik qilishi) mumkin. Operator Platformaning uzluksiz ishlashini ta’minlash uchun barcha choralarni ko’rish majburiyatini oladi, biroq Platformadagi nosozliklar Operator aybisiz yuzaga kelgan holatda, bunday nosozliklar natijasida yuzaga keladigan oqibatlar uchun javobgar bo’lmaydi.

 5.6. Operatorga Shaxsiy kabinetda belgilangan summalar o’z vaqtida to’lanmagan holatda, Mijoz har bir to’lov muddati kechiktirilgan kun uchun summaning 0,5 foizi (nol butun o’ndan besh foiz) miqdorida, biroq muddati kechiktirilgan to’lov summasining 50 (ellik) foizidan ko’p bo’lmagan miqdorda penya to’laydi.

         5.7. Mijoz to’lovdan bosh tortgan holatda, Operator Mijoz to’lovdan bosh tortgan summaning 15 (o’n besh) foizi miqdorida jarima oladi. To’lovni amalga oshirish imkoniyati mavjud bo’lgan holatda to’lovni amalga oshirmaslik qarzni asossiz ravishda e’tirof qilmaslik, kreditor-debitorlik qarzlarini solishtirish dalolatnomasini tuzishni rad qilish, soxta to’lov qobiliyatini yo’qotish va h.k. to’lovdan bosh tortish hisoblanadi.

 5.8. Mijoz Xizmatlarni ko’rsatish boshlanganidan so’ng Xizmatlarni rad qilgan holatda, Operator Mijozdan 1 oy uchun Xizmatlar qiymatining ikki baravar miqdorida neustoyka summasini oladi.

 5.9. Yuzaga keladigan kelishmovchiliklarni o’zaro muzokaralar orqali hal qilish mumkin bo’lmagan holatda, Taraflar Toshkent tumanlararo iqtisodiy sudiga murojaat qilishga haqli.

 

6. FORS-MAJOR VAZIYATLARI

 6.1. Taraf Shartnoma bo’yicha majburiyatlar qisman yoki to’liq bajarilmaganligi Taraf oldindan bilishi ham, oqilona choralar bilan bartaraf etishi ham mumkin bo’lmagan favqulodda xususiyatli vaziyatlar natijasida yuzaga kelgan yengib bo’lmas kuch (fors-major) vaziyatlari oqibati hisoblangan holatda, majburiyatlarning bunday bajarilmaganligi uchun javobgar bo’lmaydi. Bunday favqulodda xususiyatli vaziyatlar quyidagilardan iborat: tabiiy ofatlar, avariyalar, toshqinlar, zilzila, epidemiyalar, yong’inlar, ommaviy tartibsizliklar, ish tashlashlar, inqiloblar, urush harakatlari, mazkur Shartnomada belgilangan faoliyat turlarini bevosita yoki bilvosita taqiqlaydigan qonun hujjatlari, hukumat qarorlari va davlat organlari farmoyishlarining kuchga kirishi; Platforma ishidagi to’xtalishlar / buzilishlar bilan bog’liq vaziyatlar, shuningdek Shartnoma bo’yicha majburiyatlar ijrosiga to’sqinlik qiluvchi, Taraflarning oqilona nazoratidan tashqaridagi har qanday boshqa vaziyatlar.

 6.2. Yengib bo’lmas kuch vaziyatlari yuzaga kelishi sababli o’z majburiyatlarini bajarish imkoniyati bo’lmagan Taraf bunday vaziyatlar boshlanganligi va to’xtaganligi to’g’risida boshqa Tarafni har qanday joiz usul (telefon, faks, elektron pochta va h.k.) orqali 3 (uch) kun mobaynida xabardor qilishi kerak. Xabardor qilmaslik yengib bo’lmas kuch vaziyatlari yuzaga kelgan Tarafni, agar ushbu vaziyatlarning o’zi bunday xabarnoma yuborilishiga to’sqinlik qilmagan bo’lsa, bunday vaziyatlarga havola qilish huquqidan mahrum qiladi.

 6.3. Agar yengib bo’lmas kuch vaziyatlari va ularning oqibatlari 10 (o’n) kalendar kunidan ko’proq amal qilishni davom ettirsa, Taraflar Shartnoma ijrosining har ikki Taraf uchun maqbul muqobil usullarini aniqlash va tegishli kelishuvga erishish maqsadida qisqa muddatda muzokaralar o’tkazishlari mumkin.

 

7. BOSHQA SHARTLAR

 7.1. Mazkur Namunali shartlarda va Shartnomada hal qilinmagan barcha boshqa shartlar bo’yicha Taraflar O’zbekiston Respublikasining amaldagi qonun hujjatlariga amal qiladilar.

 7.2. Namunali shartlar predmeti yuzasidan Taraflarga to’liq tushunarli. Mazkur Namunali shartlar asosida Shartnoma tuzilishi barcha oldingi arizalar, muhokamalar va yozma shakldagi kelishuvlar o’rnini bosadi, bunda Taraflar bunday oldingi arizalar, muhokamalar va yozma shakldagi kelishuvlarga amal qilish huquqidan voz kechadilar. Namunali shartlarga barcha ilovalar ularning ajralmas qismlari hisoblanadi.

 7.3. Mijoz Shartnoma bo’yicha o’z huquqlari va majburiyatlarini Operatorning tegishli yozma shakldagi roziligisiz uchinchi shaxslarga berishga haqli emas.

 7.4. Taraflar bir Taraf tomonidan imzolangan, skanirlangan va boshqa Tarafga Shartnomaning tegishli bo’limida qayd etilgan elektron pochta manzillari bo’yicha yuborilgan Shartnoma, Namunali shartlar va Ilovalar hamda ularga qo’shimcha bitimlar nusxalari bilan almashinuvga yo’l qo’yadilar, bu orqali qayd etilgan hujjatlarning yuridik kuchini e’tirof qiladilar. Taraflar O’zbekiston Respublikasining amaldagi qonun hujjatlariga asosan Elektron hujjat aylanish tizimlarida Taraflar tomonidan imzolanishida hujjatlarni tegishlicha rasmiylashtirilgan deb e’tirof qiladilar.

 7.5. Taraflar mazkur Shartnoma ijrosi maqsadida qayd etilgan elektron pochta manzillari bo’yicha elektron shaklda bir-biriga yuborilgan barcha boshqa hujjatlar, bildirish xatlari, shikoyat xatlarining ham yuridik kuchini e’tirof qiladilar.

 

 8. ILOVALAR RO’YXATI

1-sonli Ilova: Hujjatlar ro’yxati;

2-sonli Ilova: Shartnomalar tuzishda va bajarishda tegishlicha ehtiyotkorlik choralarini ko’rish to’g’risida Namunali shartlar;

3-sonli Ilova: Glotr.uz saytida axborotni e’lon qilish qoidalari.

 

 

 

Saytda axborotni joylashtirish bo’yicha xizmatlar ko’rsatish to’g’risida shartnomaning namunali shartlariga

1-sonli Ilova

 

 

O’zbekiston Respublikasi Soliq kodeksining 15-moddasi talablari tartibida Mijoz tomonidan taqdim qilinadigan HUJJATLAR RO’YXATI:

 

1. Tashkilot Ustavi nusxasi (yoki ijroiya organ vakolatlari muddati to’g’risida axborot, pochta manzili va ta’sischilar ro’yxati qayd etilgan ko’chirma);

2. Tashkilotning davlat ro’yxatidan o’tkazilganligi to’g’risida guvohnoma nusxasi;

3. Tashkilot rahbarini saylash (tayinlash) to’g’risida qaror;

4. Mijoz faoliyati litsenziyalanishi talab qilingan holatda, litsenziyalar (ruxsat beruvchi hujjatlar) nusxalari;

5. Agar Tashkilot rahbari tomonidan imzolanmasa, Shartnomani imzolayotgan shaxs vakolatnomasi.

 

Biron-bir sababga ko’ra, Operator Internet tarmog’i bo’yicha Mijozning soliq organlarida hisobga qo’yilganligini aniqlash imkoniyatiga ega bo’lmagan holatda, u qo’shimcha hujjatlarni talab qilib olishga haqli.

Hujjatlar Mijoz tomonidan support@glotr.uz elektron manzil bo’yicha vakolatli shaxs imzosi va tashkilot muhri bilan tasdiqlangan skanirlangan nusxalar shaklida taqdim qilinadi.

 

Saytda axborotni joylashtirish bo’yicha xizmatlar ko’rsatish to’g’risida shartnomaning namunali shartlariga

2-sonli Ilova

 

SHARTNOMALAR TUZISHDA VA BAJARISHDA TEGISHLICHA EHTIYOTKORLIK CHORALARINI KO’RISH TO’G’RISIDA NAMUNALI SHARTLAR

 

Toshkent sh.

 

«WEB MEDIA GROUP» MChJ, bundan buyon matnda – “Operator” deb yuritiladi, Ustav asosida faoliyat yurituvchi Direktor Anton Mixaylovich Ruvinskiy nomidan, bir tomondan  va Operator oldida har qanday shaklda tuzilgan shartnoma, shu jumladan, biroq cheklanmagan holda: yozma shaklda tuzilgan shartnoma; elektron shaklda tuzilgan shartnoma; ofertani aktseptlash orqali tuzilgan shartnoma, shu jumladan Operator rasmiy veb-saytida joylashtirilgan ommaviy shartnoma natijasida yuzaga kelgan o’zaro majburiyatlarga ega har qanday yuridik shaxs, ikkinchi tomondan, birgalikda «Taraflar», alohida esa «Taraf» deb yuritiladi, tuziladigan shartnomalar (bundan buyon matnda – “Shartnoma”) doirasida quyida qayd etilgan talablarni o’zaro tegishli ravishda bajarish to’g’risida kelishuvga erishdilar, bu haqda ular Taraflarning o’zaro munosabatlari uchun asos hisoblangan shartnoma shakli doirasida xabardor qilingan:

 

1. Maxfiylik

1.1. Taraflar tijorat sirini o’z ichiga olgan axborot maxfiyligi (bundan buyon matnda – “Maxfiy axborot”) to’g’risidagi masalaning muhimligini tushunishlarini tasdiqlaydilar va quyidagi majburiyatlarni qabul qilishga rozilik bildiradilar:

1.1.1. Maxfiy axborot Oluvchi taraf tomonidan Oshkor qiluvchi tarafdan Shartnoma predmetiga muvofiq og’zaki va yozma shaklda har qanday moddiy, elektron yoki boshqa axborot tashuvchilarda olingan, shuningdek har qanday uskunadan foydalanib vizual ko’rsatilgan har qanday axborotni o’z ichiga oladi.

1.1.2. Shartnoma tuzilgan sanadan e’tiboran 3 (uch) yil mobaynida Oluvchi taraf Oshkor qiluvchi tarafdan olingan Maxfiy axborotni har qanday boshqa shaxsga, korxonaga, tashkilotga oshkor qilmaydi va ushbu axborotdan o’z shaxsiy foydasi uchun foydalanmaydi, Shartnoma predmetida belgilangan maqsadlar bundan mustasno.

1.1.3. Oluvchi taraf ushbu Maxfiy axborotning oshkor qilinishi yoki noqonuniy foydalanilishidan saqlanish maqsadida, uni o’z shaxsiy Maxfiy axborotiga nisbatan oqilona darajada rioya qiladigan ravishda yuqori darajali maxfiyligiga rioya qiladi.

1.2. Maxfiy axborot, agar quyidagi bandlardan biriga javob bersa, maxfiy hisoblanmaydi va Oluvchi taraf ushbu axborot yuzasidan hech qanday majburiyatlarga ega bo’lmaydi:

• Oluvchi tarafga bungacha ma’lum bo’lgan;

• ommaviy ma’lum bo’lgan yoki Oshkor qiluvchi tarafning noto’g’ri, e’tiborsiz yoki qasddan amalga oshirilgan harakatlari natijasida ommaviy ma’lum bo’lgan holatda;

• uchinchi tomondan cheklanishlarsiz va Shartnoma shartlari buzilmagan holda qonuniy olingan;

• Oshkor qiluvchi taraf tomonidan uchinchi tomonga uning huquqlari analogik cheklanishlarsiz taqdim qilingan;

• Oluvchi taraf tomonidan mustaqil ravishda ishlab chiqilgan, uni ishlab chiqqan shaxs yoki shaxslar Maxfiy axborotdan foydalanish huquqiga ega bo’lmagan holatda;

• Oshkor qiluvchi tarafning yozma shakldagi ruxsati bilan e’lon qilishga ruxsat berilgan;

• amaldagi qonun hujjatlariga asosan davlat hokimiyat organlariga va mahalliy o’zini o’zi boshqarish organlariga, shuningdek boshqa davlat organlariga ularning asoslangan talabiga binoan oshkor qilingan. Bunda, Oluvchi taraf Maxfiy axborot taqdim qilingan davlat hokimiyat organlari, mahalliy o’zini o’zi boshqarish organlaridan, shuningdek boshqa davlat organlaridan ushbu axborot maxfiyligini saqlash bo’yicha majburiyatlarga rioya etilishini talab qilishga haqli.

1.3. Oluvchi taraf uning aybi bilan va Shartnoma shartlari buzilgan holda yuz bergan Maxfiy axborotning oshkor qilinishi natijasida yuzaga kelishi mumkin bo’lgan zararlar uchun Oshkor qiluvchi taraf oldida to’liq javobgar bo’ladi, shu jumladan, Oluvchi taraf Maxfiy axborotning uchinchi shaxslarga oshkor qilinishiga olib kelgan o’zining barcha xodimlari harakatlari uchun (Maxfiy axborot oshkor qilinishi paytida bunday xodimlar ishdan bo’shatilgan holatda ham) so’zsiz javobgar bo’ladi.

Oluvchi taraf tomonidan Oshkor qiluvchi tarafdan Maxfiy axborotni oshkor qilish uchun yozma shaklda ruxsat olinmagan holda, Maxfiy axborot uchinchi shaxslarga oshkor qilingan holatda, Oluvchi taraf Oshkor qiluvchi tarafga Maxfiy axborotning bunday oshkor qilinishi natijasida yetkazilgan zararlar o’rnini to’ldirish majburiyatini oladi.

1.4. Taraflarning hech biri boshqa Tarafning oldindan roziligisiz shartnoma mavjudligi faktini oshkor qilmaydi. Taraflardan biri qayta tashkil qilingan yoki tugatilgan holatda, amaldagi fuqarolik qonun hujjatlariga asosan qayta tashkil qilinayotgan yoki tugatilayotgan Taraf Maxfiy axborotning tegishlicha saqlanishini ta’minlash uchun imkon darajada barcha choralarni ko’rishi kerak.

Oluvchi taraf Oshkor qiluvchi tarafga Oluvchi taraf tomonidan yo’l qo’yilgan yoki unga ma’lum bo’lgan Maxfiy axborotni oshkor qilish fakti yoki oshkor qilinish xavfi, uchinchi shaxslar tomonidan Maxfiy axborotning noqonuniy olinishi yoki qonunga zid ravishda foydalanish holatlari to’g’risida darhol ma’lum qilishi shart.

 

2. Korruptsiyaga qarshi qo’shimcha shart

2.1. Shartnoma bo’yicha o’z majburiyatlarini bajarishda Taraflar, ularning affillangan shaxslari, xodimlar yoki vositachilar har qanday shaxslarga ular harakatlariga yoki qarorlariga ta’sir ko’rsatish uchun bevosita yoki bilvosita har qanday pul mablag’lari yoki qimmatbaho narsalarni to’lamaydilar, to’lashni taklif qilmaydilar va to’lashga ruxsat bermaydilar.

2.2. Shartnoma bo’yicha o’z majburiyatlarini bajarishda Taraflar, ularning affillangan shaxslari, xodimlar yoki vositachilar Shartnoma maqsadlarida qo’llaniladigan qonun hujjatlarida pora berish / pora olish, tijorat maqsadida pora berib sotib olish sifatida tasniflanadigan harakatlarni, shuningdek jinoiy faoliyatdan olingan daromadlarni legallashtirishga (o’zlashtirishga) qarshi kurashish to’g’risida qo’llaniladigan qonun hujjatlari va xalqaro hujjatlar talablarini buzadigan harakatlarni amalga oshirmaslik majburiyatini oladilar.

2.3. Tarafda mazkur bo’limning biron-bir qoidasi buzilishi yuz berganligiga yoki yuz berishi mumkinligiga shubhalar paydo bo’lgan holatda, tegishli Taraf bu haqda boshqa Tarafni yozma shaklda xabardor qilish majburiyatini oladi. Ushbu bildirish xatida Taraf kontragent, uning affillangan shaxslari, xodimlar yoki vositachilar tomonidan Shartnoma maqsadlarida qo’llaniladigan qonun hujjatlarida pora berish yoki pora olish, tijorat maqsadida pora berib sotib olish sifatida tasniflanadigan harakatlarda, shuningdek jinoiy faoliyatdan olingan daromadlarni legallashtirishga (o’zlashtirishga) qarshi kurashish to’g’risida qo’llaniladigan qonun hujjatlari va xalqaro hujjatlar talablarini buzadigan harakatlarda ifodalanadigan mazkur moddaning biron-bir qoidasi buzilishi yuz berganligi yoki yuz berishi mumkinligini asosli tasdiqlaydigan yoki buni taxmin qilishga asos beradigan faktlarga havola qilishi yoki tegishli materiallarni taqdim qilishi shart. Yozma shaklda xabardor qilinganidan so’ng tegishli Taraf qoida buzilishi yuz bermaganligi yoki yuz bermasligi tasdig’i olingungacha Shartnoma bo’yicha majburiyatlar ijrosini to’xtatib qo’yishga haqli. Ushbu tasdiqnoma bildirish xati yuborilgan sanadan e’tiboran 10 (o’n) ish kuni mobaynida yuborilishi kerak.

2.4. Taraflarning biri tomonidan mazkur bo’limda taqiqlangan harakatlardan saqlanishga doir majburiyatlar buzilgan va (yoki) boshqa Taraf tomonidan Shartnomada belgilangan muddatda qoida buzilishi yuz bermaganligi yoki yuz bermasligi to’g’risida tasdiqnoma olinmagan holatda, boshqa Taraf Shartnomani bekor qilish to’g’risida bildirish xatini yuborgan holda, bir tomonlama tartibda Shartnomani to’liq yoki qisman bekor qilishga haqli.

 

3. Vaziyatlar to’g’risida ishonchnoma

3.1. Taraflar quyidagi vaziyatlar asoslanganligi to’g’risida bir-birini ishontiradilar:

1) Taraflar tegishli ravishda ta’sis qilingan, O’zbekiston Respublikasi qonun hujjatlari asosida faoliyat yurituvchi va qonun hujjatlarining barcha talablariga javob beradigan tadbirkorlik sub’ektlari hisoblanadi;

2) Taraflar Shartnoma tuzish va uni bajarish uchun kerakli barcha litsenziyalarga, ruxsatnomalarga va boshqa hujjatlarga ega;

3) Taraflar faktlar (tegishli faktlar majmui) to’g’risida, soliq va (yoki) buxgalteriya hisobida yoki soliq hisobotida aks ettiriladigan soliq solinadigan ob’ektlar to’g’risida ma’lumotlar buzib ko’rsatilishi natijasida, shu jumladan, biroq cheklanmagan holda, maxsus soliq solish rejimlari noqonuniy qo’llanilishiga qaratilgan “biznesni maydalash” sxemasini tashkil qilish; pasaytirilgan soliq stavkalaridan, soliq imtiyozlaridan foydalanish, soliq solinishidan ozod qilinish bo’yicha shart-sharoitlarni sun’iy yaratishga qaratilgan harakatlarni amalga oshirish; ikki tomonlama soliq solinishidan saqlanish to’g’risida xalqaro shartnomalar normalarining noqonuniy qo’llanilishiga qaratilgan sxemalarni yaratish; Taraflar tomonidan bitimlar (operatsiyalar) ijrosining haqiqatga to’g’ri kelmasligi, shu jumladan tadbirkorlik faoliyatiga nazorat ostidagi shaxslarni jalb qilish bilan bog’liq tovarlar (xizmatlar, ishlar, mulkiy huquqlar) realizatsiya qilinishidan olinadigan daromadni (tushumni) aks etirmaslik, shuningdek buxgalteriya va soliq hisobida soliq solinadigan ob’ektlar to’g’risida qasddan noto’g’ri axborotni aks ettirish orqali soliq bazasi va (yoki) soliq to’lanadigan summa kamaytirilishini hozirda amalga oshirmaydilar va Shartnomani bajarish davomida ham amalga oshirmaydilar;

4) Shartnoma bo’yicha bitimlarni (operatsiyalarni) amalga oshirishdan asosiy maqsad soliq summasini to’lamaslik (to’liq to’lamaslik) va (yoki) hisobga olish (qaytarish) hisoblanmaydi;

5) Shartnoma bo’yicha bitimlar (operatsiyalar) bo’yicha majburiyatlar shartnoma Tarafi hisoblangan shaxs tomonidan va (yoki) shartnomaga yoki qonunga asosan Shartnoma bo’yicha bitimlar (operatsiyalar) ijrosi bo’yicha majburiyatlar yuklatilgan shaxs tomonidan bajarilmoqda va bajariladi;

6) Taraflar ichki hujjatlari, xo’jalik faoliyatining qoidalari va normalari aniqlanmagan yoki vakolatsiz shaxs tomonidan birlamchi hisob hujjatlari imzolanishini, Taraflar kontragenti tomonidan soliq va yig’imlar to’g’risida qonun hujjatlari buzilishini, qonun hujjatlarida taqiqlanmagan boshqa bitimlar (operatsilar) amalga oshirilishida xuddi shunday iqtisodiy faoliyat natijasini olish imkoniyati mavjudligini istisno qiladi.

3.2. Taraflar yuqorida qayd etilgan vaziyatlar to’g’risida ishonchnoma har ikki Taraf uchun jiddiy ahamiyatga ega ekanligini va Taraflar Shartnomani bajarishda ushbu vaziyatlar to’g’risida ishonchnomaga amalga qilishlarini belgilab oldilar.

Ushbu vaziyatlar to’g’risida ishonchnoma ma’lumotlari noto’g’ri bo’lgan, shuningdek Taraflarning biri tomonidan O’zbekiston Respublikasining amaldagi soliq qonun hujjatlari talablari, shu jumladan soliqlarni o’z vaqtida deklaratsiya qilish va to’lash, asoslangan soliq hisobotini taqdim qilish, soliq qonun hujjatlarida nazarda tutilgan boshqa vazifalarni amalga oshirish sohasidagi talablar tegishli ravishda bajarilmagan holatda, Taraf boshqa Tarafga yetkazilgan, shu jumladan Tarafning unga tegishli soliqlar summalari o’rni to’ldirilishini rad qilishi, soliqlar ortiqcha hisoblab yozilishi, penyalar hisoblab yozilishi, jarimalar solinishi natijasida yuzaga kelgan zararlar va xarajatlarning to’liq hajmda o’rnini to’ldirishi shart. Yuqorida qayd etilgan qoidalar boshqa barcha majburiy to’lovlarga nisbatan ham qo’llaniladi.

 

 

Saytda axborotni joylashtirish bo’yicha xizmatlar ko’rsatish to’g’risida shartnomaning namunali shartlariga

3-sonli Ilova

 

GLOTR.UZ SAYTIDA AXBOROTNI E’LON QILISH QOIDALARI

 

Mijoz tovarlar (xizmatlar/ishlar) to’g’risida Mijoz axborotini va GLOTR.UZ saytida boshqa axborotni e’lon qilganida mazkur E’lon qilish qoidalariga asosan to’g’ri ma’lumotlarni taqdim qilish majburiyatini oladi. GLOTR.UZ saytida joylashtirilgan ma’lumotlar, agar ular quyida keltirilgan qoidalarga javob bermasa, moderatsiya davomida blokirovka qilinishi mumkin:

 

1. Umumiy talablar

Mijozga quyidagi axborotni e’lon qilish taqiqlanadi:

1.1. O’zbekiston Respublikasining amaldagi qonun hujjatlariga asosan tarqatilishi taqiqlangan tovarlar (xizmatlar / ishlar) to’g’risida axborot, aynan esa:

· o’q otar, sovuq va jarohat yetkazadigan qurol, o’q-dorilar, portlovchi moddalar, selitra;

· narkotik moddalar va ularga tenglashtirilgan tovarlar;

· davlat mukofotlari, mehnat daftarlari, shifoxona varaqlari, o’quv muassasalari diplomlari, shaxsini tasdiqlovchi guvohnomalar, boshqa shaxsiy hujjatlar, rasmiy blankalar va muhrlar;

· pornografik materiallar va erotik xususiyatli materiallar;

· inson a’zolari, qon, plazmani sotish / xarid qilish to’g’risida takliflar;

· o’g’irlangan yoki jinoiy yo’l bilan olingan tovarlar;

· atrofdagilar hayoti va sog’lig’iga xavf soladigan narsalar, mavjud bo’lmagan tovarlar;

· zargarlik buyumlari hisoblanmagan qimmatbaho metallar va toshlar;

· noyob yoki sotish taqiqlangan hayvonlar, qushlar va reptiliyalar;

· O’zbekiston Respublikasining amaldagi qonun hujjatlarida noqonuniy sifatida taqiqlangan tovarlar va xizmatlar;

· O’zbekiston Respublikasining amaldagi qonun hujjatlariga zid bo’lgan boshqa tovarlar va xizmatlar.

1.2. Noqonuniy olingan shaxsiy va maxfiy axborot.

1.3. Mualliflari ruxsatisiz Internetda joylashtirilgan mualliflik huquqlarini, patent huquqlarini, tijorat sirini buzadigan axborot, shuningdek saytlar yoki alohida sahifalar nusxalari, tasvirlar va matnlar.

1.4. Pornografiyani tarqatish, seksual xususiyatli xizmatlar bilan bog’liq axborot yoki boshqa shunga o’xshash xususiyatli axborot.

1.5. Sayt mavzusiga muvofiq bo’lmagan va xo’jalik faoliyati bilan bog’liq bo’lmagan axborot.

Misol: shaxsiy fotoalbomlar; fan–klublar va axborot saytlari.  

1.6. Tovarlar va xizmatlar to’g’risida aktual bo’lmagan yoki nohaq axborot.

1.7. Boshqa tashqi saytlarga havolalarni o’z ichiga oladigan tovar pozitsiyalari ta’rifi.

1.8. Grammatik, punktuatsion va sintaksis xatolar yoki uyat so’zlarni o’z ichiga olgan axborot.

1.9. Tovar pozitsiyalari nomlarida va ta’riflarida umumiy qabul qilingan qisqartma so’zlardan tashqari bosh harflardan foydalanish, shuningdek nostandart punktuatsiya.

1.10. Bir tashkilot tovar pozitsiyalarining bir yoki turli toifalarda takrorlanishi.

1.11. Tovar pozitsiyalariga tegishli bo’lmagan axborot taalluqli bo’limlarda joylashtirilishi kerak.

1.12. Reklama bo’yicha klik yoki reklama bilan bog’liq boshqa harakatlar bajarilganligi uchun mukofotlash dasturlari to’g’risida axborot.

1.13. Spam, zararli dasturlar, shuningdek ruxsatsiz foydalanish imkoniyatiga ega bo’lish uchun mo’ljallangan dasturlar.

1.14. Zo’ravonlik, nafrat, irqiy dushmanlik, tuxmat va haqoratlashni targ’ib qilish.

1.15. O’zbekiston Respublikasining qonun hujjatlarida belgilangan qoidalar va me’yorlarni chetlab o’tishga qaratilgan axborot.

1.16. O’zbekiston Respublikasining hududiy yaxlitligi va daxlsizligiga tajovuz qiladigan, shuningdek O’zbekiston Respublikasi konstitutsiyaviy tuzumini zo’ravonlik bilan o’zgartirishga da’vat qiladigan axborot.

1.17. Urush, zo’ravonlik va terrorizmni, shuningdek diniy ekstremizm, separatizm va fundamentalizm g’oyalarini targ’ib qiladigan axborot.

1.18. Milliy, irqiy, diniy, jinsiy va boshqa belgilar bo’yicha kamsituvchi axborot.

1.19. O’zbekiston Respublikasining qonun hujjatlariga asosan jinoiy va boshqa javobgarlikka olib keladigan harakatlarni sodir etishga undovchi axborot.

1.20. Ish tashlash, norozilikka chaqiriqni, biron-bir lotereya, tender, auktsion, miting va shunga o’xshash tadbirlarda ishtirok qilish uchun taklifni o’z ichiga oladigan axborot.

1.21. Davlat, bank yoki tijorat sirini o’z ichiga oladigan axborot.

1.22. Shaxsiy hayot sirini buzadigan, fuqarolar va yuridik shaxslar qadr-qimmatiga va amaliy obro’-e’tiboriga tajovuz qiladigan materiallar.

1.23. Shaxsiy ma’lumotlarni o’z ichiga olgan ma’lumotlar bazalari.

1.24. Xo’jalik sub’ekti manfaatlarini ifodalamaydigan ayrim shaxslardan tovar pozitsiyalari to’g’risida axborot.

1.25. Xo’jalik faoliyatini yuritish bilan bog’liq bo’lmagan (axborot yoki o’yin saytlari, fan-klublar, muloqot uchun saytlar, shaxsiy fotoalbomlar) yoki Sayt mavzusiga muvofiq bo’lmagan axborot.

1.26. Boshqa a’zolar, subagentlar, subdistribyutorlar yollanishini talab qiladigan tarmoq marketingi, moliya piramidalari, agentlik faoliyati (bank agenti), savdo vakilligi va boshqa faoliyat taklifi to’g’risida axborot.

1.27. Har qanday firibgarlik yoki tovlamachilik usullariga tegishli axborot.

1.28. Foydalanuvchilar dasturi ta’minotiga zarar yetkazishi mumkin bo’lgan tovarlar to’g’risida axborot.

1.29. Oldin iste’molda bo’lgan tovarlarni joylashtirish.

 

2. Tovar pozitsiyalari nomi

2.1. Tovarlar (xizmatlar / ishlar) nomi maksimal tushunarli va aniq bo’lishi kerak. Tovar pozitsiyalari nomiga tovar turini va ushbu mahsulot turi uchun spetsifik bo’lgan muhim xususiyatlarini (modeli, markasi, o’lchamlari, materiali va h.k.) kiritish tavsiya etiladi.

Misol: «LG KL 7255 yuvish changyutkichi»; «Reklamani tayyorlash va joylashtirish bo’yicha xizmatlar» va h.k.

2.2. Bir nomda bir necha tovarlar (xizmatlar / ishlar) ko’rsatilishiga yo’l qo’yilmaydi.

2.3. Tovarlar (xizmatlar / ishlar) nomida aloqa bog’lash uchun axborot (veb-sayt URL, e-mail, manzillar va telefon raqamlari) joylashtirilishi taqiqlangan.

2.4. Bir tovar pozitsiyasi nomining takrorlanishi mumkin emas.

Misol, tovar uchun quyidagi nomga yo’l qo’yilmaydi: «Qadoqlash mashinasi, qadoqlash uskunasi».

2.5. Tovar nomida “sotib olish”, “sotish”, “sotaman”, “buyurtma qilish” so’zlari yoki so’z birikmalaridan foydalanish taqiqlanadi.

 

3. Narx va mavjudligi

3.1. Tovar pozitsiyasi narxi va mavjudligi haqiqatga muvofiq bo’lishi va Saytda axborot bo’lgan paytda aktual bo’lishi kerak.

3.2. Taklifga e’tiborni jalb qilish maqsadida shak-shubhasiz yolg’on va noreal narxlar ko’rsatilishiga yo’l qo’yilmaydi.

3.3. Tovar pozitsiyalari uchun shak-shubhasiz yolg’on va oshirib yuborilgan chegirmalar ko’rsatilishiga yo’l qo’yilmaydi.

 

4. Fotosuratlar va tasvirlar

4.1. Tovar pozitsiyalari uchun fotosuratlar va tasvirlarni e’lon qilishda quyidagilar taqiqlanadi:

· tovar pozitsiyasiga muvofiq bo’lmagan tasvirlar;

· erotik va pornografik xususiyatli tasvirlar;

· bir Shaxsiy kabinet doirasida bir necha tovar pozitsiyalari uchun takrorlangan tasvir;

· bir tovar pozitsiyasi doirasida takrorlangan tasvir. Turli fotosuratlardan foydalanish kerak.

 

5. Tovar bo’limi va turi

5.1. Tanlangan tovar bo’limi va turi tovar pozitsiyasiga muvofiq bo’lishi kerak.

5.2. Tovar pozitsiyasi faqat oxirgi rubrikator darajasida joylashtirilishi mumkin.

 

6. Tovar pozitsiyasi ta’rifi

6.1. Ta’rifi to’ldirish uchun majburiy bo’lib, faqat tovarlar (xizmatlar / ishlar)ni xususiyatlaydigan axborotni o’z ichiga olishi kerak va spamni saqlamasligi kerak.

6.2. Pozitsiya ta’rifi sayt Foydalanuvchilari uchun tegishli ma’lumotlar berishi kerak; imkon darajada ta’rifi tovar ko’rsatkichlari va qo’llanish sohasini, uning xususiyatlarini, yetkazib berish (xizmatlar taqdim qilish) va o’ram usullari to’g’risida qo’shimcha ma’lumotlarni o’z ichiga olishi kerak.

 

7. Qo’shimcha axborot

7.1. Yuqorida qayd etilgan talablar tovar pozitsiyalariga taalluqli bo’lmagan qo’shimcha axborot e’lon qilinishiga ham tegishli: «Kompaniya to’g’risida axborot», «Maqolalar», «Yangiliklar», «Prays-list», «Aktsiyalar», «Filiallar» va boshqa. Sayt Operatori Saytda ro’yxatdan o’tkazilgan Foydalanuvchilar identifikatsiyasi bo’yicha ma’lumotlarni talab qiladigan hukumat organlari bilan hamkorlik qilishga tayyor.

7.2. Operator ogohlantirishsiz quyidagi axborotni olib tashlash huquqini o’zida qoldiradi:

7.2.1. O’zbekiston Respublikasining qonun hujjatlarida taqiqlangan reklamaga tovarlar va xizmatlar to’g’risida axborot:

· tamaki mahsulotlari reklamasi;

· alkogol ichimliklari reklamasi;

· O’zbekiston Respublikasining qonun hujjatlarida taqiqlangan tovarlar va xizmatlar to’g’risida axborot;

· narkotik moddalar, psixotrop vositalar va prekursorlarga tegishli o’simliklar;

· chekish aralashmalari;

· qurol (o’q otish, sovuq, jarohatlovchi, gaz);

· pornografik mazmundagi materiallar, seksual xususiyatli xizmatlar to’g’risida axborot;

· O’zbekiston Respublikasida ro’yxatdan o’tkazilmagan, shifokor retsepti bo’yicha beriladigan dori vositalari va preparatlari;

· nafratlanish, dushmanlik va zo’ravonlikni avj oldirishga qaratilgan axborot.

7.2.2. Tovarlar (xizmatlar / ishlar) uchun tegishli litsenziyalar/sertifikatlarsiz axborot quyidagi faoliyat turlariga tegishli:

· moliya xizmatlari, bank faoliyatini taqdim qilish;

· qimmatli qog’ozlar bozorida professional faoliyat;

· qimmatli qog’ozlar blankalarini, qat’iy hisobdorlik hujjatlarini tayyorlash;

· sanoatga mo’ljallangan portlash materiallarini tayyorlash;

· xavfli chiqindilar bilan bog’liq faoliyat, xavfli kimyo moddalarini ishlab chiqarish;

· tibbiy va veterinar amaliyot;

· dori preparatlari, shu jumladan veterinar preparatlarini ishlab chiqarish va realizatsiya qilish;

· pirotexnik vositalarni ishlab chiqarish va realizatsiya qilish.

7.3. Quyidagi kompaniyalar e’lon qilinmaydi:

· Foydalanuvchi bilan bog’lanish mumkin bo’lmagan telefon raqami ko’rsatilgan holda;

tovarlar va xizmatlarni rasmiylashtirish qoidalari buzilgan holda.