Paxta va kungaboqar yog’i ishlab chiqarish liniyasi (8-10T/sutkasiga xomashyodan)

MAHSULOT YETKAZIB BERUVCHI ELEVATOR  (4 dona)

Elevatorlarning asosiy vazifasi mahsulotni bir bosqichdan boshqa bosqichga yetkazishdir. Elevator balandligini sizning binongiz balandligi bilan moslashtirish mumkin. Biz sizga taklif qiladigan liniya uchun 4 dona elevator zarur bo’ladi. Mijoz talabiga ko’ra elevatorni shnekli elevatorga ham almashtirish mumkin.

CHIGITNI DISKLI CHAQIB BERISH USKUNASI

Chigitdan yog’ olish uchun qo’yilgan talabga ko’ra uni avval chaqib olish zarur bo’ladi. Chaqish uchun diskli chaqish uskunasidan foydalaniladi. Chaqilgan mahsulot chigit po’sti (shulxa) va mag’ziga ajratib olish uchun keyingi bosqich ya’ni aylana elakka o’tqiziladi.

CHIGITNI PO’STINI (SHULXA) VA MAG’ZINI AJRATIB BERUVCHI 2 BOSQICHLI SEPARATOR

Chaqib beruvchi uskunadan chiqqan chigit magzidan ajratib olish uchun maxsus 2 bosqichli elash jarayonidan o’tadi. Ushbu uskuna chigit mag’zini 93-97 foizgacha ajratib bera oladi. Bu siz ishlatadigan chigitning tuklilik darjasiga bog’liq. Uskunada 2 ta chiqish joyi bo’lib biridan chigit po’sti ya’ni shulxa hamda 2 chisidan chigit mag’zi chiqadi. Chigit mag’zi keyingi bosqichga o’tadi.

CHIGIT MAG’ZINI YANCHIB BERISH USKUNASI

Chigit mag’zini yanchish uskunasi chigitni maydalab beradi. Bunda chigitdan yog’ ajralib chiqishi osonlashadi. Chigit mag’zi ikkita silliq val orasidan o’tib, yoyib beriladi. Sizga kerakli hajmga qadar siqish imkoniyati mavjud.

CHIGIT MAG’ZIGA GIDROTERMIK ISHLOV BERISH USKUNASI (3 Bo’lmali)

YOG’ OLISH UCHUN MAXSUS PRESS (AX-130M)

Press uskunasi sizning mahsulotingizdan yog’ siqib olish uchun ishlatiladi. O’rtacha yog’ ning yemda qoldiq miqdori 5-5,5% ni tashkil qiladi. Masalan chigitdan yog’ni olish foizi 16% gacha tashkil qilinadi. Uskuna komplektida zavodda ishlab chiqarilgan maxsus 22kw lik mator bilan jihozlangan.

EKSTRAKTSIYALASH USKUNASI

Yog’ presslash uskunasidan yog’ va kunjara chiqadi. Kunjarada qolgan 5-6% miqdoridagi yog’ni olish uchun ekstraksiyalash uskunasi ishlatiladi. Ekstraksiyalash jarayoni Geksan yoki Etanol 95% li yordamida eritiladi. Mitselladan yog’ qizidirish va vakuum yordamida olinadi. Hosil bo’lgan shrotda 0,5-1% miqdorida yog’ qoladi. Ekstraksiya jarayoni Etil spirti yordamida bajarilgani uchun undan olingan yog’ni rafinatsiyalash va dezodoratsiyalash orqali iste’mol qilish mumkin. Etil spirti yog’ tarkibidan tez va to’liq uchib ketadi. Uskuna to’liq portlashga qarshi shitlar va matorlar bilan jihozlangan. Ekstraksiyalash uskunasi uchun xaridor tomonidan qilinishi lozim bo’lgan ishlar:

• Erituvchi (Geksan yoi Etanol 95% dan yuqori) saqlash uchun idish va montaj trubalari
• Sovutish uchun suv va kondensatsiyalash uchun sovutish minorasi yoki chiller
• Suv uchun nasos
• Beton konstruksiya va alohida ishlar uchun talab asosida maxsus joy

YOG’ UCHUN PLASTINKALI RAMALI FILTR (350 model)

MAXSUS NASOS (3 dona)

Maxsus nasoslar yog’ni filtrdan chiqqach keyingi bosqichga va undan so’ng qadoqlash uchun transportirovka qilish maqsadida ishlatiladi. Ushbu nasoslar 380v 50 hz kuchlanishda ishlaydi va quvvat sarfi 3kw/soat ni tashkil qiladi.

YOG’ RAFINATSIYALASH,NEYTRALIZATOR, OQARTIRISH VA DEZODORATSIYALASH USKUNASI GL-2000

Rafinatsiyalash va dezodoratsiyalash jarayonlari bu yog’ning sifatini belgilab beruvchi asosiy jarayonlardan biri hisoblanadi. quyida sizlaga uskuna qanday qismlardan tashkil topganligi va vazifasini qisqacha tushuntirib o’tamiz

1. Rafinatsiyalash tankeri- issiq suv yordamida yog’ni degumminizatsiya qilish uchun
2. Dioksidlash Neytralizator tankeri- Ishqor yordamida neytrallashtirish uchun
3. Oqartirish tankeri- qum yordamida chokindilardan tozalash, rangini oqartirish
4. Filter- yog’dagi cho’kindi mahsulotlarni o’zida ushlab qoladi
5. Dezodoratsiya tankeri- Yog’dagi noxush hidni yo’qotadi
6. Parogenerator- dezodoratsiya jarayoni uchun tankerni qizdirish uchun
7. Filtr- istemolga chiqishdan oldingi so’nggi filtratsiya uchun
8. Katcher- zararli moddalarni tutib qolish uchun
9. Issiq suv va ishqor uchun tanker
10. Oqartirish xomashyosi va qoldiq mahsulot uchun tanker
11. Nasos-filtrdan oqartirish tankeriga o’tkazish uchun
12. Vakuumli nasos- Tankerda vakuum holatini hosil qilish uchun
13. Boshqaruv paneli
14. Nazoratni osonlashtirish uchun zinapoyalar va platforma

Yog’ni UF sterillash uskunasi

Qadoqlashdan oldin yog’ni sterillash maqsadga muvofiq. Sovutilgan holatda qadoqlashdan oldin sterillash qismdan o’tgan holatda qadoqlash uskunasiga yo’naltiriladi.

YOG’ UCHUN MINI LABARATORIYA USKUNASI

Har kunlik mahsulotni qadoqlashga qadar uni sifat nazoratidan o’tkazish talab etiladi. Bunday holatda tadbirkorlarimizning yuqori sifatli mahsulot chiqarish ehtimoli yuqori bo’ladi.

YOG’ QADOQLASH UCHUN PET IDISHLAR ISHLAB CHIQARISH USKUNASI

PET idishlar paxta yog’i va kungaboqar yog’i uchun asosiy qadoqlash mahsuloti bo’lib qolmoqda. PET idishlarni ishlab chiqarish uchun sizga PET kapsula kerak bo’ladi, uni esa yurtimizning turli hududlaridan topish mumkin.

YUQORI BOSIMLI MAXSUS KOMPRESSOR

YOG’ IDISHGA TO’LDIRISH VA QOPQOQ YOPISH USKUNASI

Baklashkalar tayyor bo’lgach ularni yog’ bilan to’dirib, qapqoq yopilib tayyor mahsulot ko’rinishiga keltiriladi. Uskuna 1l-dan 5L gacha idishlarga quyib bera oladi

PARAGENERATOR (BUG’ QOZONI)

Bug’ qozoni asosan Ekstraksiya uskunasi hamda chigit mag’ziga gidrotermik ishlov berish uskunasi uchun bug’ yetkazib beradi.