Shu o`rinda bir ma`lumotni ta`kidlab o`tishimiz lozim. Hozirda xalqimiz orasida juda ham keng tarqalib borayotgan paqir turlaridan biri- bu “panda paqir”. Bu turdagi paqirlarning o`ziga hos xususiyati shundan iboratki, bu paqirlar juda ham egiluvchan. Yuqori bosim ostida ham sinib ketmaydi. Bukilgandan so`ng ham o`z holiga qaytadi. Buning isbotini quyidagi rasm va videoalardan ham ko`rishingiz mumkin.
Mana yuqorida ko`rib turganingizdek “Panda paqir” juda ham yuqori sifat va chidamlilikka ega. Biz sizga taklif qilmoqchi bo`lgan uskunalarimiz yordamida xuddi shunday mahsulotlarni ishlab chiqarishingiz mumkin. Bitta uskuna yordamida turli xil o`lchamlardagi mahsulotlarni ishlab chiqara olasiz. Bunda faqatgina uskunaning qolipini o`zgartirish yetarli bo`ladi. Ana endi, ishlab chiqarish liniyasining umumiy ma`lumotlari bilan tanishib chiqsak.
Keling endi bizga kerakli uskunalar bilan ham tanishib chiqsak.
Ishlab chiqarish liniyamizning eng asosiy uskunasi- bu paqirlarni formalash uskunasi. Ushbu uskunaning narxi ichida bitta qolip kiritilgan. Uskunaning qoliplarini o`zgartirish orqali boshqa o`lchamlar va shakldagi mahsulotlarni ishlab chiqarishingiz mumkin. Xaridor uskunaga buyurtma berayotgan paytda qoliplar xaridor talabiga binoan maxsus yasattirilib olib kelinadi. Uskuna yordamida soatiga o`rtacha hisobda 150 ta paqir ishlab chiqarishingiz mumkin. Quyidagi jadval yordamida uskunaning to`liq texnik ko`rsatkichlari bilan tanishib chiqishingiz mumkin.
Quyidagi jadvalda esa uskunaning qismlari haqida ma`lumotlarga ega bo`lishingiz mumkin:
Ushbu uskunamiz ish jarayonining jadalligini va unumdorligini oshiradi. Uskuna yordamida ishning borishini avtomatlashtirishingiz mumkin. Bu uskuna tayyor xom-ashyolarni ekstruder(qolipli formalash) uskunasiga yetkazib beradi, ya`ni alohida bir ishchi xom-ashyoni solib turishi shart emas.
Navbat eritish bunkeri uskunasiga keldi. Ushbu uskunaning vazifasi xom-ashyolarni quritib-eritib asosiy uskunaga yetkazib berishdan iborat.
Mikser uskunasi bizga paqirlarimiz uchun ishlatadigan xom-ashyolarga rang qo`shib berish uchun ishlatiladi.
Har bir ishda bo`lganidek, paqir ishlab chiqarganimizda ham xom-ashyodan ortiqcha chiqindilar hosil bo`ladi. Uskuna mana shu chiqindilarni maydalab, yana qayta foydalanish uchun tayyor holga keltirib beradi.
Uskuna ,albatta, ishlaganda qiziydi va uskunani sovutish uchun sovuq suv va havo kerak bo`ladi. Chillerning ham asosiy vazifasi formalash uskunasi qizib ketishini oldini olishdan iborat.
Ishlab chiqarish liniyamiz mana shu hamma uskunalardan tashkil topgan. Quyidagi video rolikda qolipli formalash uskunasi keltirilgan.
© 2012 - 2025 glotr.uz. Barcha huquqlar himoyalangan.
