Alyuminiy kukuni PAP-1.

Alyuminiy kukuni PAP-1 — bu yupqa plastinkasimon shakldagi mayda zarrachalardan tashkil topgan alyuminiy kukunidir. U birlamchi alyuminiyni sharli tegirmonlarda maydalash orqali olinadi. Ishlab chiqarish jarayonida kukun zarrachalarining yopishib qolishi va oksidlanishini oldini olish uchun tarkibiga stearin kabi qo‘shimcha moddalar qo‘shiladi.

Qo‘llanilish sohalari:

• Gazbeton ishlab chiqarishda — qurilish materiallariga hujayraviy tuzilma beruvchi gaz hosil qiluvchi vosita sifatida;

• Kon sanoatida — portlovchi modda tarkibiga kiruvchi komponent sifatida;

• Kimyo sanoatida — texnologik jarayonlarda reaktiv sifatida ishlatiladi;

• Bo‘yoq va lak sanoatida — dekorativ va himoya xususiyatiga ega bo‘yoqlar, emallar va laklar tayyorlashda;

• Metallurgiyada — metall eritish jarayonlarida sifat ko‘rsatkichlarini yaxshilash uchun qo‘llaniladi.

Saqlash shartlari: Germetik yopilgan idishlarda, quruq xonalarda saqlansin. Issiqlik manbalaridan yiroq tutish va yaqin atrofda ochiq olovdan foydalanmaslik lozim.

Xavfsizlik choralar:

• Alyuminiy changini nafas orqali qabul qilmaslik uchun himoya vositalaridan foydalanish;

• Ish joylarida yaxshi shamollatish tizimini ta’minlash zarur.