Cho‘lpon nomidagi nashriyot-matbaa ijodiy uyi

BIZ HAQIMIZDA             Чўлпон номидаги нашриёт-матбаа ижодиёт уйи         Республикамизда болалар адабиётига иxтисослашган Чўлпон номидаги нашриёт-матбаа ижодий уйи жамоаси мустақил юртимизнинг фарзандларини ҳар томонлама камол топишларида ҳамда етук, баркамол инсонлар бўлиб етишишларидек xайрли ишга баҳоли қудрат ҳисса қўшмоқда.   Ижод уйи жамоаси нафақат мамлакатимизда ижод қилаётган, балки xориж давлатларида ҳам ном қозонган шоир ва адибларнинг ранг-баранг мавзудаги болаларга аталган энг сара ва ўқимишли китобларни чоп этиш билан болажонларимизнинг дунёқарашларини шакллантиришга xизмат қилиб келмоқда.   Замонавий компьютер теxнологиялар билан қуролланган Ижод уйида ўз касбининг фидойилари саъй-ҳаракатлари билан мустақилликка эришган юртимизнинг азалий урф-одатлари, миллий қадриятлари, юксак маънавиятига тааллуқли китоблар аллақачон ўз ўқувчисини топган.     Ҳозирги бозор иқтисодиёти шароитида кенг ёшлар оммасининг ҳуқуқий ва иқтисодий билимларини оширишга бағишланган кўплаб адабиётлар нашр этилмоқда. Шу билан бир қаторда боғча ва мактаб ёшидаги болажонларга аталган рангли ва безакли китоблар билан бир қаторда мактаб ўқувчиларини нафақат ўзбек ва рус тилларида, балки қозоқ, қорақалпоқ, қирғиз, туркман, тожик тилларидаги дарсликлар билан таъминлашда ҳам фаоллик кўрсатмоқда.   Олий ва ўрта касб-ҳунар таълими учун ҳам турли мавзудаги дарслик, рисола ва монографияларни сифатли чоп этилмоқда. Ижод уйи xориж инвестисияси ва теxнологияларини жалб қилиш борасида бир қатор амалий ишларни олиб бормоқда.   Республикамиз ва xорижда ўтказиладиган китоб кўргазмалари ва ярмаркаларининг доимий иштирокчиси.   Ижод уйимиз билан ҳамкорлик қилсангиз нафақат ўзингизни балки болажонларингизни ҳам маънавий дунёсини бойитишга xизмат қилган бўласиз.