Urgaz Carpet

. Kompaniya haqida

«URGAZ GROUP» — bu ishonchli tarix, zamonaviy texnologiyalar va sifatli mahsulotlar uyg‘unligidir!

2002-yilda Samarqand viloyatining Urgut shahrida tashkil etilgan kompaniyamiz bugungi kunda Markaziy Osiyoda gilam, tafting va sun’iy qoplamalar ishlab chiqarish sohasida eng yaxshilaridan biri hisoblanadi. Dastlab kichik ishlab chiqarish sexidan boshlangan faoliyatimiz, bugun butun mamlakat va xalqaro miqyosda tan olingan korxona darajasiga ko‘tarildi.

«URGAZ GROUP» mahsulotlari Germaniya va Belgiya kabi sanoat rivojlangan davlatlarda ishlab chiqarilgan yuqori texnologiyali, avtomatlashtirilgan uskunalarda tayyorlanadi. Ishlab chiqarish jarayonining har bir bosqichi – xomashyo tanlashdan tortib, yakuniy mahsulotni qadoqlashgacha – xalqaro sifat standartlariga to‘liq javob beradi.

Mahsulotlarimiz bugungi kunda O‘zbekistonning 12 viloyati va Qoraqalpog'iston Respublikasidagi rasmiy do‘konlarimiz orqali iste’molchilarga taqdim etilmoqda. Shuningdek, kompaniya tuzilmasi ishlab chiqarish, boshqaruv, logistika va marketing yo‘nalishlari bo‘yicha kompleks tizim asosida ishlaydi.

---

2. Kompaniya missiyasi va qadriyatlari

Bizning asosiy maqsadimiz — sifatli mahsulotlar orqali mijozlar ishonchini qozonish, sanoatni rivojlantirish va yosh avlodga mustahkam tayanch bo‘lish.

«URGAZ GROUP» faqatgina ishlab chiqarishga emas, balki inson kapitaliga sarmoya kiritishga ham katta ahamiyat beradi. Kompaniyamiz faoliyatida quyidagi asosiy qadriyatlar doimiy ustuvorlik kasb etadi:

Sifat va ishonchlilik – Har bir mahsulotimiz yuqori sifatli, ekologik toza va uzoq muddat xizmat qiladigan bo‘lishi kerak.

Kadrlar salohiyati – Biz jamoamizning bilimli, fidokor va innovatsion fikrlovchi mutaxassislardan iborat bo‘lishini istaymiz.

Yosh avlodni qo‘llab-quvvatlash – Kompaniyamizda ko‘plab talabalar va yangi bitiruvchilarga ishlab chiqarish jarayonlari bilan tanishish, amaliy tajriba orttirish va o‘z yo‘lini topish imkoniyati yaratilgan.

Xalqaro tajriba almashinuvi – Germaniya, Turkiya, Xitoy, Fransiya, AQSH kabi mamlakatlardan kelgan malakali mutaxassislar bilan hamkorlik qilamiz.

«URGAZ GROUP» nafaqat ish o‘rni, balki karyeraviy o‘sish va o‘zini namoyon etish uchun mos keladigan manzil hamdir.

---

3. Kompaniya afzalliklari

Bugungi zamon mahsulotdan nafaqat estetik va funksional jihatdan, balki ekologik jihatdan ham javobgarlik talab etadi. Shu sababli, «URGAZ GROUP» o‘z faoliyatini barqaror rivojlanish tamoyillariga asoslaydi.

Ekologik toza mahsulotlar – Ishlab chiqarishda faqat tabiiy, inson salomatligiga zarar yetkazmaydigan xomashyolardan foydalaniladi.

Tabiatga nisbatan e’tibor – Texnologik jarayonlarimiz atrof-muhitga zarar yetkazmaslik prinsipiga asoslanadi.

Qayta ishlash tizimi – Ishlab chiqarish qoldiqlarining katta qismi qayta ishlash orqali ikkilamchi xomashyo sifatida qaytariladi.

Xalqaro texnologiyalar – Germaniya, Belgiya, Xitoyning zamonaviy texnologiyalari tufayli mahsulotlarimiz doimo bir qadam oldinda bo‘ladi.

Bu yondashuv tufayli, bizning gilamlarimiz, tafting va boshqa turdagi mahsulotlarimiz nafaqat zamonaviy ko‘rinishga ega, balki ekologik jihatdan ham eng qulay tanlovdir!

---

4. Kompaniyaning eksport geografiyasi

«URGAZ GROUP» bugungi kunda 10 dan ortiq davlatga mahsulotlarini muvaffaqiyatli eksport qilmoqda. Biz bilan ishlayotgan har bir davlat – bu xalqaro hamkorlikdagi mustahkam aloqalar, sifatga ishonch va uzoq muddatli sheriklikni anglatadi.

Eksport xaritamiz quyidagi davlatlarni o‘z ichiga oladi:

Markaziy Osiyo: Qozog‘iston, Qirg‘iziston, Tojikiston, Turkmaniston, Afg'oniston

Yaqin Sharq: Saudiya Arabistoni

Yevroosiyo hududi: Rossiya, Ukraina, Ozarbayjon

Yevropa: Ruminiya, Germaniya, Italiya 

Doimiy ravishda yangi bozorlarni o‘rganish va tahlil qilish orqali kompaniyamiz eksport salohiyatini kengaytirib bormoqda. Biz logistika hamkorlarimiz bilan birgalikda yuk tashish, bojxona va yetkazib berish xizmatlarini ham optimallashtirganmiz.

. Xalqaro hamkorlik va xorijiy mutaxassislar

«URGAZ GROUP» nafaqat O‘zbekistonda, balki xalqaro miqyosda ham o‘zining professional yondashuvi va innovatsion qarashlari bilan tan olingan. Kompaniyamiz bugungi kunda turli davlatlardan kelgan yuqori malakali mutaxassislar bilan yaqindan hamkorlik olib bormoqda.

Bizning jamoamizda quyidagi davlatlardan kelgan eng tajribali mutaxassislar faoliyat yuritmoqda:

• Turkiya

• Xitoy

• Germaniya

• Fransiya

• Hindiston

• Italiya

• Shveysariya

• Belgiya

• AQSH

Ular ishlab chiqarish jarayonlarini optimallashtirish, sifat nazorati, menejment va innovatsiyalarni joriy etish bo‘yicha o‘z bilim va tajribalari bilan o‘rtoqlashadilar. Bu esa kompaniyaning xalqaro standartlarga mos ravishda rivojlanishiga katta turtki bermoqda.

Shuningdek, xorijlik mutaxassislar bilan hamkorlik orqali kompaniya xodimlari muntazam ravishda malaka oshirish kurslarida qatnashib, global tajribani o‘zlashtirmoqda. Bu esa kadrlar salohiyatini oshirish va zamonaviy ish uslublarini joriy etishda muhim rol o‘ynaydi.

«URGAZ GROUP» xalqaro ekspertlar bilan hamkorlik qilish orqali o‘z oldiga qo‘ygan maqsad — jahon bozorida raqobatbardosh, sifatli va ekologik toza mahsulotlar ishlab chiqaruvchi kompaniya sifatida rivojlanishni davom ettirmoqda!

---

6. Bizning brendlarimiz

«URGAZ GROUP» o‘z tarkibiga bir nechta mustaqil ishlab chiqarish korxonalarini birlashtirgan bo‘lib, har biri o‘z segmentida yuqori malakaga ega va eksport salohiyati bilan ajralib turadi:

«URGAZ CARPET» MCHJ

Tashkil topgan yili: 2002-yil (2008-yilda qo‘shma korxona shaklida)

Xodimlar soni: 532 nafar

Yo‘nalish: Gilam, tafting, sun’iy gazon ishlab chiqarish

Eksport bozori: Rossiya, Ozarbayjon, Qozog'iston, Qirg'iziston, Tojikiston, Afg'oniston, Turkmaniston

Afzalliklari: Kompaniyaning ishlab chiqarish jarayonlarida Belgiya va Germaniyadan keltirilgan kompyuterlashtirilgan gilam to‘qish uskunalaridan foydalaniladi

---

«MONS TEXTILE» MCHJ

Tashkil topgan yili: 2016-yil

Xodimlar soni: 221 nafar

Yo‘nalish: Gilam, sun’iy qoplama, tafting

Eksport bozori: Ozarbayjon, Qozog'iston, Qirg'iziston, Tojikiston, Afg'oniston, Turkmaniston

Afzalliklari: Kompaniyaning ishlab chiqarish jarayonlarida Germaniyadan keltirilgan ilg'or uskunalardan foydalaniladi

---

«KAMALAK TEKSTIL» MCHJ

Tashkil topgan yili: 2016-yil

Xodimlar soni: 540 nafar

Yo‘nalish: Gilam ishlab chiqarish

Eksport bozori: Rossiya, Ukraina, Saudiya Arabistoni, Ozarbayjon, Qozog'iston, Qirg'iziston, Tojikiston, Afg'oniston, Turkmaniston davlatlari

Afzalliklari: Kompaniyaning ishlab chiqarish jarayonlarida Xitoy, Germaniya, Belgiya texnologiyalaridan foydalaniladi

---

«AGRO DRY FRUITS» MCHJ

Tashkil topgan yili: 2016-yil

Xodimlar soni: 420 nafar

Yo‘nalish: Paypoq ishlab chiqarish

Eksport bozori: Qozog'iston, Qirg'iziston, Tojikiston, Afg'oniston, Rossiya, Ruminiya, Germaniya, Italiya

Afzalliklari: Kompaniyaning ishlab chiqarish jarayonlarida Xitoyning zamonaviy uskunalaridan foydalaniladi