Shovqonomer VShV 003.

Shovqin — turli fizik tabiatga ega bo‘lgan tartibsiz tebranishlar bo‘lib, vaqt va spektral xususiyatlari murakkablik bilan farqlanadi. Shovqin — atrof-muhitning fizik ifloslanish omillaridan biridir.

Manbaiga ko‘ra shovqin turlari quyidagicha bo‘linadi: mexanik, aerodinamik, gidromexanik, elektromagnit;
Chastota diapazoniga ko‘ra esa: past chastotali (400 Gts dan past chastota diapazoni), o‘rta chastotali (400 dan 1000 Gts gacha), yuqori chastotali (1000 Gts dan yuqori chastota diapazoni).

Kuchli shovqin ta’siri eshitish a’zosida organizmning o‘ziga xos reaksiyasini keltirib chiqaradigan o‘zgarishlarni yuzaga keltiradi. Eshitish tizimining moslashuvi jarayoni vaqtinchalik siljishlarda (eshitish sezgirligi chegaralarining ko‘tarilishi) namoyon bo‘ladi. Uzoq muddatli akustik ta’sirda eshitish chegaralarining ko‘tarilishi yuzaga keladi, dastlab asta-sekin boshlang‘ich holatga qaytadi (eshitish charchoqligi), keyin esa navbatdagi shovqin ta’siriga qadar saqlanib qoladi (eshitish chegarasining doimiy siljishi).

Shovqin intensivligini belgilash uchun shartli logarifmik birlik — desibel (dB) qo‘llaniladi.