Ishlab chiqarish hajmi: 100-300kg/soat
Ishchilar soni: 6ta
Kerakli maydon o`lchami: 22*8*3,5m (uzunligi*kengligi*balandligi)
Quvvati: 30kw/soat
Maxsus talablar: kanalizatsiya tizimi, ventilyatsiya tizimi, 3 faza elektr toki, gigiyeniga talablariga javob beradigan maydon.
Ishlab chiqarish jarayoni murakkab bosqichlardan iborat emas. Bunda foydalanuvchidan yuqori texnik bilim va ko`nikmalar talab etilmaydi. Bizning tajribali texnologlarimiz sizga uskunalarni o`rnatib berishga amaliy yordam beradi.
Eng avvalgi bosqichda biz xom-ashyolarni tayyorlab olishimiz darkor. Xom-ashyolar tarkibi sovun turlari (xo`jalik sovuni va atir sovun)ga qarab o`zgaradi. Uskunalarimiz yordamida barcha turdagi sovunlarni ishlab chiqarishingiz mumkin. Buning uchun bizga mikser kerak bo`ladi. Mikser bizga barcha xom-ashyolarni sifatli mahsulot chiqarish uchun tayyorlab beradi.
Navbatdagi bosqichda aralashtirilgan xom-ashyolarni yaxshi birikishi uchun maydalab olamiz.
Ushbu bosqichda ishlab chiqarishimizning eng asosiy jarayonini o`tkazamiz. Maydalangan yarim tayyor xom-ashyolarni ekstruderlarga konveyor orqali o`tkazamiz. Ishlab chiqarish liniyasidagi eng muhim uskuna, albatta, ekstruder uskunasi. Ekstruder uskunasi yuqori sifatli uskuna bo`lib, sovunlarni kuchli bosim (press) ostida ishlab chiqaradi.
Ekstruderdan ishlab chiqarilgan sovunlarga qolipli val yordamida turli xil yozuvlar va naqshlar tushirishimiz mumkin. Bunda biz har bir mijoz bilan alohida ishlaymiz.
Eslatib o`tamiz ushbu turdagi ishlab chiqarish liniyamiz orqali 2 turdagi sovunlarni ishlab chiqarishingiz mumkin: atir sovun va xo`jalik sovuni. Ishlab chiqarish jarayoni shu paytgacha bir xil bosqichlardan o`tdi. Faqatgina shu yerda farq qiladi. Xo`jalik sovuni, odatda, to`rtburchak shaklda bo`ladi. Shuning uchun unga faqatgina kesish uskunasining o`zi yetadi.
Atir sovunlar esa dumaloq yoki oval. Shuning uchun ham bizga qo`shimcha uskuna kerak bo`ladi. Buning uchun bizga sovunni shtamplash mashinasi va maxsus qolip kerak bo`ladi.
Uskunalardan chiqqan sovunlarimiz konveyorga sotuvga tayyor holda tushadi. Konveyordan ularni olib, qadoqlab sotaversak ham bo`ladi. Qanday qadoqlamoqchiligingizga qarab turli xil uskunalar taklif etishimiz mumkin: paketchaga, qutichaga yoki ikki qavatli qog`ozli qadoqlash. Biz sizga gorizontal qadoqlash uskunasini taklif qilamiz.
© 2012 - 2025 glotr.uz. Barcha huquqlar himoyalangan.
