Spermafort

SPERMAFORT

Foydalanish uchun qoʻllanma

Tarkibi

Har bir sashe paket quyidagilarni oʻz ichiga oladi:

L-karnitin tartrat - 2250 mg,

L-arginin – 1250 mg,

Vitamin А (beta karotin)-120 mg,

Vitamin Е - 800 XB (588 mg)

Folat kislotasi – 500 mkg

Vitamin  С – 200 mg,

Selen metionin - 20 mg (100 mkg elementar selen saqlaydi),

Rux sulfat – 100 mg (40mg elementar rux saqlaydi),

Dekstroza angidrid -  q.s.

Maltodekstrin – q.s.

Aromatizator

Tavsifi

Spermafort L-karnitin, L-arginin, vitaminlar va minerallar birikmasidan iborat biologik faol qoʻshimcha. Erkaklarda reproduktiv faoliyatni normallashtiradi, spermatozoidlarning faolligini oshiradi.

Reproduktiv faoliyatning buzilishi turli sabablarga koʻra ham ayollar, ham erkaklarda uchrashi mumkin. Erkak tanasi, spermatogenezning turli bosqichlarini qoʻllab-quvvatlash uchun aminokislotalar, mikroelementlar, vitaminlar va vitaminga oʻxshash maxsus moddalarga muhtoj.

Spermafortning tarkibi nosogʻlom va nuqsonli spermatazoidlar sifatini yaxshilash, shuningdek faol spermatozidlar sonini  oshirish uchun maxsus ishlab chiqilgan.

Alohida ingredientlar haqida ma’lumot:

Spermafort – spermatozoidlarning spermagrammadagi holatini toʻliq normallashuviga qadar spermatozoidlar sifatini sezilarli darajada yaxshilovchi vosita hisoblanadi.

L-karnitin erkak jinsiy tizimida ya’ni tuxumlarda va spermatozoid hujayralarida energiya ta’minoti sifatida toʻplanadi. Bu vitaminga oʻxshash (B11 vitamini yoki T vitamini) tabiiy modda   boʻlib, u spermatogenezning butun jarayonini (spermatozoidlar ishlab chiqarilish) energiya bilan ta’minlaydi va erkakning ota boʻlish qobiliyatiga bevosita ijobiy ta’sir qiladi. L-karnitin erkaklarda bepushtlikning rivojlanishiga sabab boʻlgan oksidativ stressni pasaytiradi. L-karnitinni qabul qilish spermatazoidlarning harakatchanligini yaxshilaydi va faol spermatozoidlar foizini oshiradi.

L-Arginin urugʻ suyuqligi hamda spermatazoidlar tarkibidagi zarur aminokislota boʻlib, erkaklarning jinsiy salomatligida muhim oʻrin tutadi va uning yetishmasligi spermatogenez bosqichida sifatsiz spermatozoidlar soni oshishiga olib keladi. L-argininni qabul qilish prostata bezi faoliyatiga foydali ta’sir koʻrsatadi va spermatogenezni kuchaytiradi (urugʻ ishlab chiqarish va sifatini oshiradi). Bundan tashqari, L-arginin jinsiy faolligini oshiradi. L-arginin azot oksidi ishlab chiqarilishini oshirishi natijasida, erkaklar jinsiy a’zolarida qon aylanishini yaxshilaydi va ereksiya vaqtini uzaytiradi.

Vitamin E spermatozoidlarning harakatchanligini yaxshilaydi va ularning ayol tuxum hujayrasiga kirib borish qobiliyatini oshiradi. E vitaminini qabul qilish erkak tuxumi toʻqimalarida oksidativ stressning asoratlarini kamaytiradi, spermatozoidlarning harakatchanligini oshiradi va ularning ayol tuxum hujayrasiga kirib borish qobiliyatiga ijobiy ta’sir qiladi. E vitamini beta karotin (vitamin A) va selen bilan sinergetik ta’sir koʻrsatadi, ya’ni bir vaqtning oʻzida qabul qilinganda, bu moddalar oʻzaro boshqa toʻqimalarda ham oksidlanishning oldini olishi tufayli alohida qoʻllangandan koʻra juda yuqori samaradorlikni namoyon etadi.

Rux spermatozoidlarni ishlab chiqarish uchun mas’ul boʻlgan asosiy erkak gormoni testosteron va follikulani stimullovchi gormon (FSG) sintezi uchun zarurdir. Rux spermatozoidlarning normal yetilishi va harakatchanligi uchun zarur boʻlgan glutation peroksidazani faollashtiradi, shuningdek, urugʻ suyuqligidagi boshqa fermentlarning faolligini tartibga solishda ishtirok etadi, eyakulyatning suyulishi va koagulyatsiyasini  tartibga solishga yordam beradi. Rux va A vitamini biokimyoviy jihatdan oʻzaro bogʻliqdir: A vitamini ruxning soʻrilishiga yordam beradi va ruxsiz A vitaminining soʻrilishi mumkin emas.

Vitamin A (Beta-karotin) hujayra membranalarini oksidlanishdan himoya qiluvchi, oqsil sinteziga ta’sir qiluvchi va reproduktiv faoliyatni qo’llab-quvvatlovchi antioksidant tizimdagi muhim modda. Urugʻ suyuqligida A vitaminining mavjudligi normal spermatogenez va spermatozoidlarning harakatchanligini saqlash uchun zarur. U ruxning soʻrilishini yaxshilaydi va uning antioksidant ta’sirini kuchaytiradi. Urugʻ suyuqligi tarkibidagi tirik spermatozoidlarning foizini oshiradi. Bundan tashqari, vitamin A erkak jinsiy faolligini ragʻbatlantiruvchi testosteron gormoni sintezi uchun zarur.

Folat kislota (vitamin B9) spermatogenezda muhim rol oʻynaydi, urugʻ suyuqligi hajmi va sperma sifatiga ijobiy ta’sir qiladi. Folat kislotasini qabul qilish nuqsonli spermatozoidlar sonini kamaytirishga yordam beradi, shuning uchun irsiy nuqsoni boʻlgan bola tugʻilish xavfini kamaytiradi.

Selen (Metionin selen) kuchli antioksidant boʻlib, uning asosiy roli lipidlarning oksidlanish jarayonini kamaytirish va hujayralarni erkin radikallarning zararli ta’siridan himoya qilishdir. Selen spermatogenez jarayonini oʻtkir va surunkali intoksikatsiyalardan himoya qiladi. A va E vitaminlari bilan yaqqol sinergik ta’sir koʻrsatadi, ularning parchalanishini kamaytiradi, natijada tananing ushbu vitaminlarga boʻlgan ehtiyojini kamaytiradi. Selen erkaklar reproduktiv tizimining normal ishlashi uchun zarurdir. Selen spermatozoidlarning harakatchanligini va  sonini oshiradi. Organizmda selen yetishmasligi urugʻ sifatining yomonlashishiga va jinsiy faollikning pasayishiga olib keladi.

Metionin oltingugurt saqlovchi muhim aminokislota boʻlib, oqsillar hosil boʻlishini faollashtiradi. Oʻzining oraliq mahsulotlari tufayli metil guruhi donor rolini oʻynaydi, shuningdek, karnitin sintezining stimulyatori hisoblanadi. U spermatozoidlar membranasining butunligini saqlash uchun muhim boʻlgan fosfatidilxolin va boshqa fosfolipidlarning sintezini ragʻbatlantiradi. Bundan tashqari, organizmda metionindan metabolizm natijasida taurin va glutation hosil boʻladi. Ushbu moddalar erkaklarning reproduktiv salomatligida muhim rol oʻynaydi.

Glutation spermatozoidlarning faol harakatchanligini barqarorlashtiradi va hujayra membranalarini lipidlarning peroksidli oksidlanishidan himoya qiladi.

Taurin erkaklarda testosteronning sintezida qatnashadi. Urugʻ suyuqligi tarkibidagi spermatazoidlarning konsentratsiyasini va harakatchanligini oshiradi.

Vitamin C. Yuqori samarali antioksidant. vitamin C ning kichik miqdori ham, tananing asosiy molekulalari boʻlmish - oqsillar, lipidlar (yogʻlar), uglevodlar, nuklein kislotalar (DNK va RNK)ni erkin radikallar va faol kislorodning  shikastlashidan himoya qiladi. Vitamin C Koenzim Q10 va vitamin E ning sintezlanishida ishtirok etadi. Bepushtlik muammosi boʻlgan erkaklarning urugʻ suyuqligida vitamin C ning miqdori fertilligi yuqori erkaklarnikiga qaraganda ancha past boʻladi. Sogʻlom erkaklarda vitamin C iste’molining keskin kamayishi spermatozoidlarning harakatchanligini sezilarli darajada pasayishiga olib keladi. Vitamin C ni qabul qilish spermagramma koʻrsatkichlarining yaxshilanishiga imkon beradi.

Qoʻllanilishi

• spermatozoidlarning harakatchanligi va urugʻlantirish qobiliyatining oʻtkir va surunkali pasayishida, shuningdek varikosel va varikoselli operatsiyasidan keyin;

• sindrom OAT (olegoastenoteratozoospermiya)da;

• yordamchi reproduktiv texnologiyalarni (IVF, ICSI va boshqalar) oʻtkazishga tayyorgarlikda;

• erkak omili bilan bogʻliq boʻlgan bepushtlikni davolashdagi yordamchi reproduktiv texnologiyalarning (IVF, ICSI va boshqalar) muvaffaqiyatsiz urinishlaridan keyin;

• bepushtlikning erkak omili tufayli homiladorlikning birinchi trimestrida homilaning tushib qolish holatlarida (spontan abort);

• oksidativ stress tufayli fertillikning pasayishida;

• spermatozoidlarni kriyokonservatsiyaga tayyorlashda urugʻ sifatini yaxshilashda.

Qoʻllash mumkin boʻlmagan holatlar

• Spermafort tarkibiy qismlariga boʻlgan individual qabul qila olmaslik.

Qabul qilish tartibi va davomiyligi

Ertalab ovqat vaqtida yoki ovqatdan keyin, 200 ml iliq suvda aralashtirib ichiladi.

Kattalarda 1 sashe (paket)dan kuniga 1 marta qabul qilinadi. Qoʻllash davomiyligi 1-3 oy.

Retseptsiz beriladi. Mahsulot sertifikatlangan.

Saqlash sharoitlari

Bolalar qoʻli yetmaydigan joyda, xona haroratida quruq joyda saqlanishi kerak.

Yaroqlilik muddati - 24 oy.

Ishlab chiqaruvchi: “VITALLY” XK, Toshkent viloyati, Yuqorichirchiq tumani, Sofdil, №45 tel.: +998909539005